გაინტერესებთ, რას ჰპირდებიან ვარსკვლავები თქვენს ზოდიაქოს ნიშანს მაისში? – მაშინ გაეცანით ასტროლოგიურ პროგნოზს.
უპირველეს ყოვლისა, ვნახოთ დღეები, როდესაც, ასტროლოგების რჩევით, განსაკუთრებით ყურადღებით უნდა ვიყოთ. ესენია:
- 2 მაისი (დღის პირველი ნახევარი);
- 4 მაისი (საღამო);
- 5 მაისის ღამე;
- 6 მაისი (დღის პირველი ნახევარი);
- 10 მაისი;
- 15 მაისი (საღამო);
- 16 მაისი;
- 18 მაისი (დღის პირველი ნახევარი);
- 19 მაისი (საღამო);
- 25 მაისი (საღამო);
- 29 მაისი.
ვერძი
ასტროლოგიური პროგნოზის თანახმად, 2024 წლის მაისი ვერძს ახალ შესაძლებლობებს მოუტანს. ეს არის დიდი აქტივობების, საინტერესო შეხვედრების, ადამიანებთან ურთიერთობებისა და მნიშვნელოვანი საქმეების დრო. შესაძლებელია მოგიწიოთ მოგზაურობა, შოპინგი და სოლიდური შესყიდვები. თვის ბოლოს მიმზიდველი პერსპექტივები გაიხსნება – ხელიდან არ გაუშვათ თქვენი შანსი!
კურო
2024 წლის მაისის ასტროლოგიური პროგნოზი კუროსთვის, ზოგადად, საკმაოდ ხელსაყრელია. გარშემო მყოფები დიდ ყურადღებას მოგაქცევენ. შეიძლება გარკვეული სირთულეები შეგექმნათ პირად საქმეებში და ბავშვებთან, თუმცა სხვა მხრივ მაისი შესანიშნავი დროა ახალი პროექტების დასაწყებად, არსებობს ბედის საჩუქრების მიღების შანსი. მაისში თქვენთვის მოულოდნელი პერსპექტივები გაიხსნება, რომლებითაც ღირს სარგებლობა. თვის ბოლოს კარგი შემოსავლებისა და პროდუქტიული სწავლის შესაძლებლობა მოგეცემათ.
ტყუპი
მეგობრები ახალი გზისკენ გიბიძგებენ. 2024 წლის მაისი ტყუპებისთვის არის მათთან ერთობლივ პროექტებზე აქტიური მუშაობის დრო. თქვენი საქმეები და იდეები თვის ბოლოდან კარგად დაიწყებს განვითარებას და დიდ წარმატებას მოგიტანთ. მაისში ღირს სამომავლო პროექტების დაგეგმვა, რომლებიც ეტაპობრივად განხორციელდება. ეს პერიოდი კარგია ძველი საქმეების დასასრულებლადაც.
კირჩხიბი
კირჩხიბებისთვის 2024 წლის მაისის ასტროლოგიური პროგნოზი ასეთია: ეს იქნება მეგობრებთან პროდუქტიული კომუნიკაციის პერიოდი. გელით საინტერესო პროექტები, რომლებიც შემოქმედებით საქმიანობას და პირად ცხოვრებას ეხება. თქვენ ირგვლივ ახალი ადამიანები გამოჩნდებიან ან ძველი ნაცნობები უცებ შეგახსენებენ თავს. ყველა მათგანი განვითარების შესაძლებლობებს მოიტანს. ხელმძღვანელობა განსაკუთრებით კარგი თვალით შეხედავს თქვენი მუშაობის შედეგებს. ღირს აქტივობის გამოვლენა – აუცილებლად დაჯილდოვდებით.
ლომი
მაისი ლომებისთვის ორმაგი მოვლენების პერიოდია. განვითარების დიდი პერსპექტივები გექნებათ სახლიდან მოშორებით: ეს შეიძლება იყოს ტრენინგი, ახალი შეხვედრები, საინტერესო ნაცნობები, რომლებიც თქვენს პირად ცხოვრებას შეცვლიან. არ არის გამორიცხული, წინა სამუშაო დასრულდეს, მაგრამ ახალ, უკეთეს შეთავაზებას მიიღებთ. მეგობრები აქტიურად დაგეხმარებიან.
ქალწული
მაისი ქალწულებს ახალ გზებს გამოუჩენს და მოგზაურობის შესაძლებლობებს მოუტანს. შეხვდებით ახალ ადამიანებს, დაიწყებთ ახალ შემოქმედებით პროექტებს. ფინანსურ საკითხებზე ყურადღების გამახვილება იქნება საჭირო, რადგან მოგზაურობა ფულს მოითხოვს. მაისის შუა რიცხვებში კარიერული შესაძლებლობების პერსპექტივები გაიხსნება. წარმატებას მოუტანს ქალწულებს ვაჭრობასთან დაკავშირებული საქმიანობა. ასევე, ამ დროს უარს ნუ იტყვით სხვა ადამიანების დახმარებაზე, შეძლებისდაგვარად დაუდექით მათ გვერდში.
სასწორი
მაისი სასწორისთვის ღირებულებების გადაფასების პერიოდია. წარმატებას მიაღწევთ თქვენს საქმიანობაში. ცვლილებები გავლენას მოახდენს გუნდთან ურთიერთობაზე. პირად ცხოვრებაშიც შესაძლებელია ცვლილებები. თვის პირველ ნახევარში არ არის გამორიცხული კამათი პარტნიორებთან და ოპონენტებთან, შესაძლოა თქვენს ზურგს უკან ინტრიგები დახლართონ, ფხიზლად იყავით, მაგრამ ნუ ინერვიულებთ – გახსოვდეთ, რომ საკმარისად მომზადებული ხართ ამ ცვლილებებისთვის. თვის ბოლოს შესანიშნავი ახალი შესაძლებლობები გამოჩნდება, დახმარება შორიდან მოდის.
მორიელი
2024 წლის მაისში მორიელებისთვის ოჯახი პირველ ადგილზე იქნება – პარტნიორს ყურადღებით მოეპყარით. ასევე, თქვენი კოლეგები, ადამიანები, რომლებთან ერთადაც წინ მიიწევთ კარიერულ გზაზე და რომლებთანაც ერთი გუნდს ქმნით, ამ პერიოდში მნიშვნელოვან როლს ითამაშებენ თქვენს ცხოვრებაში. ფრთხილად იყავით მათთან ურთიერთობისას, ვისთანაც ახალ ბიზნესს იწყებთ. ასევე, გაუფრთხილდით ჯანმრთელობას – განსაკუთრებით თვის შუა რიცხვებში.
მშვილდოსანი
2024 წლის მაისი მშვილდოსანს სამსახურში მნიშვნელოვან წარმატებას მოუტანს. სირთულეები და პრობლემები დასრულდება. ამ პერიოდში გაიხსნება მშვენიერი შესაძლებლობები სიყვარულთან, ბავშვებთან, მოგზაურობასა და ფიზიკურ აქტივობასთან დაკავშირებით. თითქმის მთელი მაისი საყვარელი ადამიანებისა და შვილების დახმარებით იქნებით დაკავებული.
თხის რქა
თხის რქებისთვის 2024 წლის მაისი სიყვარულის, შემოქმედებითი და საქმიანი აქტივობის პერიოდია. ახალ ადამიანებთან შეხვედრამ შეიძლება დიდი სიყვარული გაპოვნინოთ. ეს კარგი პერიოდია ბავშვის ჩასახვისა და ორსულობისთვის. სამუშაო სასიამოვნო იქნება, მოგზაურობა დასვენების მიზნით კი – დაუვიწყარი. მაისის ბოლოს შესაძლებელია მივლინებებში წასვლამაც მოგიწიოთ, რომლებიც პროდუქტიული იქნება. მაისი ასევე კარგი დროა თქვენი სახლის რემონტისა და განახლებისთვის.
მერწყული
მერწყულებისთვის 2024 წლის მაისი შესანიშნავი დროა იდეების განსახორციელებლად, მაგრამ მარტო კი არა, არამედ ახლობელ ადამიანებთან, მეგობრებთან და ნათესავებთან თანამშრომლობით. ეს არის მოგზაურობის, ვაჭრობისა და საინტერესო ნაცნობობის პერიოდი. თვის შუა რიცხვებში შესაძლებელია სტუმრების მიღება მოგიწიოთ, ამიტომ თქვენი ხარჯები გაიზრდება, თუმცა, ზოგადად, მაისი თქვენი საფულის შევსების დროც არის და ასევე ხელსაყრელია უძრავ ქონებასთან დაკავშირებული მანიპულაციებისთვის. თვის ბოლოს ბავშვები თავიანთი წარმატებებით გაგახარებენ.
თევზები
2024 წლის მაისი თევზებისთვის კარგი დროა ფულის საშოვნელად, რომელიც არა მხოლოდ პირად საჭიროებებზე უნდა დაიხარჯოს, არამედ გონივრული იქნება დიდ ბიზნესში ინვესტირებაც, რაც მომავალში კარგ შემოსავლებს მოგიტანთ. ფულს თქვენი ინტელექტით გამოიმუშავებთ, ხოლო შემოსავლის მისაღებად საქმეში ახლობელი ადამიანების ჩართვა პროდუქტიული აღმოჩნდება. ახლო ნათესავებთან ან კარგ მეგობრებთან ერთად ახალ საინტერესო პროექტებს შეიმუშავებთ, რომლებიც დაუყოვნებლივ მოიტანს შედეგს. მაისი კარგი დროა მოგზაურობისა და სწავლისთვის. თვის ბოლოს საკუთარ სახლზე უნდა იზრუნოთ – უძრავი ქონების პროექტები კარგად იმუშავებს.
კომენტარები