როგორ მიგვანიშნებს ორგანიზმი, რა ვიტამინები გვაკლია

ადამიანის ორგანიზმი სამყაროში ყველაზე ჭკვიან და ყველაზე რთულ მექანიზმად შეიძლება მივიჩნიოთ: თუ რამე სჭირდება, მაშინვე გვატყობინებს, მთავარია, ამ შეტყობინების „წაკითხვა“ შეგვეძლოს.

ერთ-ერთი ძალიან საყურადღებო პრობლემა, რომელზეც ჩვენი ორგანიზმი მკაფიო ნიშნებით გვაფრთხილებს, ვიტამინების დეფიციტია.

ვნახოთ, რა ნიშანი რომელი ვიტამინის ნაკლებობაზე მეტყველებს:

ნაპრალები პირის კუთხეში

გესაჭიროებათ: რკინა, თუთია, ვიტამინები: В3, В2 და В12.
ამ ვიტამინების ნაკლებობა ყველაზე ხშირად ვეგეტერიანელებს ემართებათ. ამ დროს ორგანიზმს საჭიროზე ნაკლები რაოდენობის რკინა და თუთია მიეწოდება.
ამ პრობლემის გამოსწორება მარტივად შეიძლება. საჭიროა რაციონში ჩართოთ: ფრინველის ხორცი, ორაგული, თინუსი, კვერცხი, ხამანწკები, მოლუსკები. ამას გარდა, კარგი იქნება, თუ მეტ არაქისს, პარკოსნებსა და ოსპს მიირთმევთ.
რკინის ათვისებას ხელს უწყობს ვიტამინი С, რომელიც ინფექციებსაც ებრძვის. ამიტომ შეათავსეთ ეს პროდუქტები ისეთ ბოსტნეულთან, როგორიცაა: ბროკოლი, წითელი წიწაკა და ყვავილოვანი კომბოსტო.

ხორცმეტები ხელებსა და თეძოებზე

გესაჭიროებათ: ცხიმოვანი მჟავები და ვიტამინები: А და D.
შეამცირეთ ტრანსცხიმების მიღება (რომლებიც დიდი რაოდენობითაა პოპკორნში, ჩიპსებში, კრეკერებში, გამოსაცხობად მზა ცომებში და ფრიტიურში მომზადებულ ყველა პროდუქტში) და გაზარდეთ ჯანმრთელი ცხიმების რაოდენობა.
ჩართეთ რაციონში დიდი რაოდენობით ორგაული და სარდინი, კაკალი და ნუში.
А ვიტამინის მისაღებად მიირთვით მწვანილი და ბოსტნეული: სტაფილო, ტკბილი კარტოფილი და წითელი წიწაკა. ეს ორგანიზმს ბეტა-კაროტინით მოამარაგებს, საიდანაც ის А ვიტამინს „გამოწოვს”.

წითელი გამონაყარი სახეზე და თმის ცვენა

გესაჭიროებათ: ბიოტინი (В7)
ბიოტინი (В7) ცნობილია, როგორც მთავარი ვიტამინი თმისთვის.
ადამიანის ორგანიზმში В ჯგუფის ვიტამინების მარაგი გამუდმებით უნდა შეივსოს. ამისათვის მიირთვით დიდი რაოდენობით ორაგული, ავოკადო, სოკო, ყვავილოვანი კომბოსტო, სოიო, კაკალი, ჟოლო, ბანანი და მოხარშული კვერცხი.

კიდურების კანკალი და დაბუჟება

გესაჭიროებათ: ვიტამინები B9, В6, В12.
ეს პრობლემა უშუალოდ უკავშირდება პერიფერიულ ნერვებს, რომელთა დაბოლოებები კანთან ახლოსაა განლაგებული.
ზემოთ ნახსენებ სიმპტომებს შესაძლოა ასევე ერთვოდეს: შფოთვა, დეპრესია, დაღლილობა და ჰორმონული დისბალანსი.
მიირთვით მეტი ისპანახი, სატაცური, ჭარხალი, ლობიო და გრეიპფრუტი. რაციონში, ასევე, აუცილებლად ჩართეთ: კვერცხი, რვაფეხა, მიდიები, მოლუსკები, ხამანწკები და ფრინველის ხორცი.

წვივების კრუნჩხვა და კანკალი

საჭიროა: მაგნიუმი, კალციუმი და კალიუმი. ხშირი კრუნჩხვა კალციუმისა და მაგნიუმის ნაკლებობის პირდაპირი ნიშანია. გარდა ამისა, კრუნჩხვა შეიძლება დაგემართოთ ვარჯიშისას, ვინაიდან ამ დროს გამოყოფილი ოფლი ორგანიზმიდან დიდი რაოდენობით მინერალებს გამოდევნის.
ამ ვიტამინების მარაგის შესავსებად მიირთვით მეტი ბანანი, ნუში, თხილი, ბროკოლი და ისპანახი.

sputnik-georgia.com

ამავე თემაზე: დაადგინეთ მარტივად, აკლია თუ არა თქვენს ორგანიზმს A ვიტამინი და მიიღეთ შესაბამისი ზომები

ორგანიზმის სიგნალები, რომლებსაც ყურადღება უნდა მიაქციოთ