გრიპისა და COVID-19-ის შემთხვევების ზრდის გამო ესპანეთის ხუთ რეგიონში პირბადის ტარება სავალდებულო გახდა სამედიცინო დაწესებულებებში. ამის შესახებ Reuters-ი იტყობინება.
ვალენსიაში პირბადის ტარება სავალდებულოა მწვავე რესპირატორული ინფექციის სიმპტომების მქონე ადამიანებისთვის, სამედიცინო სფეროს თანამშრომლებისა და იმ პირებისთვის, რომლებიც სამედიცინო დაწესებულებებს სტუმრობენ.
კატალონიაში პირბადის ტარება სავალდებულო გახდა ყველა სამედიცინო დაწესებულებაში. არაგონის რეგიონის ხელისუფლება მოუწოდებს მოქალაქეებს, ატარონ პირბადე საზოგადოებრივი თავშეყრის ადგილებში, განსაკუთრებით კი – დახურულ სივრცეებში, მათ შორის, საზოგადოებრივ ტრანსპორტში.
პირბადის ტარება სავალდებულო გახდა მურსიაშიც, ხოლო გალისიაში ჯანდაცვის უწყება რეკომენდაციას აძლევს მოქალაქეებს, ატარონ პირბადე, რათა თავიდან აიცილონ კოვიდ-19-ით და გრიპის ვირუსებით ინფიცირება.
ნანა ძნელაძე
კომენტარები