კაცი, რომელიც ჰამბურგის აეროპორტში მანქანით შეიჭრა, პოლიციას ჩაბარდა. მას მანქანაში თავისი 4 წლის შვილი 18 საათის განმავლობაში მძევლად ჰყავდა აყვანილი. პოლიციის ცნობით, ბავშვი არ დაშავებულა.
35 წლის კაცი ჰამბურგის აეროპორტის ასაფრენ ბილიკზე შაბათს საღამოს შეიჭრა და ჰაერში ორჯერ გაისროლა. მასთან ერთად მანქანაში 4 წლის გოგონა იყო. პოლიციის წინასწარი ინფორმაციით, ბავშვი კაცის შვილია, მამას მეურვეობასთან დაკავშირებით მიღებული გადაწყვეტილება არ მოეწონა და უნდოდა, რომ ბავშვთან ერთად ქვეყანა დაეტოვებინა. მისი ავტომობილი Turkish Airlines-ის თვითმფრინავის ქვეშ იდგა. პოლიციელები კაცს თარჯიმნის მეშვეობით, თურქულად ესაუბრებოდნენ. სამართალდამცველთა თქმით, მათი მთავარი პრიორიტეტი ბავშვის დაცვა იყო.
პოლიციაში, ასევე, განაცხადეს, რომ მამაკაცის მეუღლე ადრე დაუკავშირდათ – ქალი შიშობდა, რომ შესაძლოა მის ქმარს ბავშვი გაეტაცებინა. მომხდარის გამო ჰამბურგის აეროპორტში შაბათს საღამოს და კვირას დაგეგმილი რეისები გადაიდო.
აეროპორტში განაცხადეს, რომ კვირას დაგეგმილი იყო 286 რეისი, რომლებითაც 34 500 მგზავრს უნდა ესარგებლა.
Update 10:00 Uhr
Die Einsatzlage ist weiterhin statisch und die Verhandlungen dauern an.
Somit gilt nach wie vor
➡️Der @HamburgAirport ist gesperrt
➡ Weiträumige Straßensperrungen sind eingerichtet
➡ Sammelstelle für Medienvertreter am Terminal Tango#Hamburg #HamburgAirport— Polizei Hamburg (@PolizeiHamburg) November 5, 2023
აეროპორტის მიერ სოციალურ ქსელში გავრცელებული ინფორმაციით, ორშაბათს, 6 ნოემბერს ფრენა, ძირითადად, ჩვეულ ნორმალურ რეჟიმში შესრულდება, თუმცა შესაძლებელია ზოგიერთი რეისი შეყოვნდეს ან გადაიდოს, ამიტომ მგზავრებს სთხოვენ, რომ თავიანთ რეისთან დაკავშირებით საქმის კურსში იყვნენ და სტატუსი შეამოწმონ, აუცილებლობის შემთხვევაში კი ავიაკომპანიას დაუკავშირდნენ.
Hamburg Airport erwartet am Montag, 6. November, einen weitestgehend normalen Flugbetrieb. Einige Flüge können weiterhin ausfallen oder sich verspäten. Wir bitten Sie daher, sich über Ihren aktuellen Flugstatus auf dem Laufenden zu halten. pic.twitter.com/uNjj9xs1v0
— Hamburg Airport 🕊 (@HamburgAirport) November 5, 2023
მანანა ბანძელაძე
კომენტარები