პოლონეთის მთავრობა უკრაინელ ლტოლვილებს შეღავათების ნაწილს მოუხსნის. როგორც პოლონური მედია წერს, მთავრობა გეგმავს ცვლილებებს კანონში, რომელიც უკრაინელი მოქალაქეების დახმარებას განსაზღვრავს. კერძოდ, უკრაინის ყველა მოქალაქეს, რომელიც ომის დაწყების შემდეგ პოლონეთში ჩავიდა, ეროვნული საიდენტიფიკაციო ნომრის მიღება მოუწევს.
მედიის ცნობით, მათ შეეზღუდებათ სოციალურ შეღავათები და დანახარჯების ნაწილის დაფარვა თავად მოუწევთ.
„ჩვენ ვერ დავაფინანსებთ ლტოლვილების საცხოვრებლებს სამუდამოდ. ჩვენ ჯერ კიდევ გვყავს 80 000 ლტოლვილი, რომლებიც საერთო საცხოვრებლებში ცხოვრობენ“, – განაცხადა პოლონეთის შინაგან საქმეთა მინისტრის მოადგილემ.
2023 წლის თებერვლიდან ამ საცხოვრებლებში 120 დღეზე მეტხანს მყოფ უკრაინელებს კომუნალური გადასახადების 50%-ის, ხოლო 2023 წლის მაისიდან 75%-ის გადახდა მოუწევთ. ამასთან. როგორც პოლონეთის მთავრობაში აცხადებენ, კანონში ცვლილებების შეტანის შემდეგ სოციალური დაცვის სააგენტო და ადგილობრივი მთავრობა მეტ ინფორმაციას მიიღებს იმ უკრაინელებზე, რომლებიც პოლონეთში ჩადიან. როგორც მედია წერს, შესაბამისად, მათ მეტი ბერკეტი გაუჩნდებათ, რათა სოციალური შეღავათებით უკანონოდ სარგებლობის შემთხვევები აღმოიფხვრას.
1tv.ge
კომენტარები