თურქეთში ორი ადამიანის მკვლე­ლო­ბა­ში ბრალ­დე­ბუ­ლმა ქართველმა კაცმა სარფის საზღვარზე თავი მოიკლა – გაირკვა, ვინ არის მსხვერპლი და მკვლელი

ქართველმა კაცმა თურქეთში ორი პირი მოკლა, შემდეგ კი სარფის საზღვარზე თავი მოიკლა. შემ­თხვე­ვა 25 აგ­ვის­ტოს, გამ­თე­ნი­ი­სას მოხ­და. 

მომ­ხდა­რის თა­ო­ბა­ზე ინ­ფორ­მა­ცი­ას თურ­ქუ­ლი მე­დია ავ­რცე­ლებს – ცოლ-ქმარი ეგ­ნა­ტაშ­ვი­ლები  და მათი მე­გო­ბარი ხვი­ჩა ოსა­ნა­ძე  არ­თვინ­ში, არჰავის რაიონში ჩაის პლანტაციაში სა­მუ­შა­ოდ იყვნენ ჩასულები.

მკვლელობა, სა­ვა­რა­უ­დოდ, ეჭ­ვი­ა­ნო­ბის ნი­ა­დაგ­ზე მოხ­და, რად­გან სახ­ლში მი­სულ მა­მა­კაცს მეუღლე – რიტა ეგ­ნა­ტაშ­ვი­ლი და მე­გო­ბა­რი – ხვი­ჩა ოსა­ნა­ძე ერ­თად დახ­ვდნენ.

შაქ­რო ეგ­ნა­ტაშ­ვილ­მა, სა­ვა­რა­უ­დოდ, იეჭ­ვი­ა­ნა. ცოლ-ქმარს შო­რის კა­მა­თი ჩხუბ­ში გა­და­ი­ზარ­და, რის შემ­დე­გაც მან ცოლი დანით მოკლა, მე­გო­ბარს – ხვი­ჩა ოსა­ნა­ძეს ცეცხლსასროლი იარაღით ესროლა.

ინციდენტის შემდეგ ორმაგ მკვლელობაში ეჭვმიტანილი ტაქსით საქართველო-თურქეთის საზღვრისკენ წავიდა. როგორც ადგილობრივი მედია წერს, კაცმა თავი მაშინ მოიკლა, როდესაც ქემალ ფაშასთან პოლიციამ ტაქსის მძღოლს ავტომობილის გააჩერება მოსთხოვა და მის დაკავებას შეეცადა.

მომხდარ ფაქტზე თურქეთის პოლიციამ გამოძიება დაიწყო.