მალე მოახდინეთ ინვესტირება მიმდინარე მშენებლობებზე… სხვა შემთხვევაში უბრალოდ ძალიან ინანებთ, – გვირჩევს ეკონომისტი

საქართველოში უძრავი ქონების ფასი მინიმუმ 50%-ით გაიზრდება და გადააჭარბებს 1300 დოლარს, ამის შესახებ ეკონომისტი ოთო აბესაძე ფეისბუქში წერს.

მის პოსტს უცვლელად გთავაზობთ:

• საქართველოში უძრავი ქონების ფასი მინიმუმ 50%-ით გაიზრდება უახლოეს 3-5 თვეში.
• დღეს თუ შესაძლებელია 1 კვ. მეტრი უძრავი ქონების (ბინა და ა. შ.) შეძენა საშუალოდ 800 დოლარად, ეს თანხა სასაცილოდ მოგეჩვენებათ.

ფასების ზრდის გამომწვევი მიზეზები:

• ერთი ტონა არმატურის ფასი გადასცდა 1100 დოლარს (პანდემიამდე ღირდა საშუალოდ 600-700 დოლარი) და ფასები კვლავ მოიმატებს 30%-ით.
• არმატურის ძირითადი იმპორტიორი ქვეყანა იყო უკრაინა, სადაც წარმოება არის შეჩერებული.
• 300%-ით გაიზარდა უძრავ ქონებაზე მოთხოვნა არარეზიდენტი პირებისგან (რუსეთი, უკრაინა, ყაზახეთი და ა. შ.).
• 50%-ით გაიზარდა სამშენებლო სამუშაოების მწარმოებელთა ხელფასი.
• 40%-ით გაიზარდა ბეტონის ფასი (დამზადება, ტრანსპორტირება).
• 30%-ით გაიზარდა სამშენებლო მასალის ფასი (ბლოკი, აგური, ცემენტი და ა.შ).
• 30%-ით გაიზარდა სარემონტო მასალის ფასი.
• ინფლაცია.
• გაზრდილი ფასების, ინფლაციისა და მათი ზრდის ტენდენციის კორელაციით საშუალოდ 1 კვ. მეტრი უძრავი ქონების ფასი გადააჭარბებს 1300 დოლარს.
• საწვავის ფასის პრინციპით, ზამბარისებულად მოხდება უძრავი ქონების ფასის ზრდა.

გულწრფელად გირჩევთ, რაც შეიძლება მალე მოახდინეთ ინვესტირება მიმდინარე მშენებლობებზე (კომპანიების რეპუტაციის და ფინანსური მდგრადობის გათვალისწინებით) და დროულად შეიძინეთ უძრავი ქონება.