ქართველები უცხოეთში
ხარკოვში რუსი დამპყრობლების ტყვიას ქართველი შეეწირა – „ვერ უყურა გულგრილად უკრაინის ტკივილს“
ხარკოვში რუსი დამპყრობლების ტყვიას ქართველი – აფხაზეთის ომის მონაწილე ვალერი ჯიჭოშვილი ემსხვერპლა. ეს სამწუხარო ინფორმაცია სოციალურ ქსელში მისმა ახლობლებმა და მეგობრებმა გაავრცელეს. მათივე თქმით, იგი პირველივე დღიდან ჩაეწერა მოხალისეთა რიგებში.
„დღეს ხარკოვში საკუთარი ბინიდან გამოსვლისთანავე ოკუპანტის ტყვიას შეეწირა საუკეთესო ქართველი, აფხაზეთის ომის მონაწალე ვალერი ჯიჭოშვილი, მისი ბოლო სიტყვები იყო: მუცლის არეში ვარ დაჭრილი და ქუჩაში ვაგდივარო. ყველამ ერთმანეთს გადავურეკეთ, მაგრამ დახმარება ვერ შევძელით“, – წერს ელისო კოღუა ფეისბუქში.
„დიდი გულის ბიჭს გულმა არ მოუთმინა, ვერ უყურა გულგრილად უკრაინის ტკივილს, ომი გაითავისა…
ასე დიდსულოვან ადამიანებს შეუძლიათ მხოლოდ სრული გააზრებით და პასუხისმგებლობით.
ვუსამძიმრებ ოჯახს, ჩვენს სოფელს, სრულიად საქართველის და მოძმე უკრაინას“, – წერს სოციალური ქსელის კიდევ ერთი მომხმარებელი ლინა მეყანწიშვილი.
კომენტარები