fbpx
მოგზაურობა

რა პირობით იქნება შესაძლებელი 1-ლი მარტიდან საქართველოს საზღვრის კვეთა

უწყებათაშორისი საკოორდინაციო საბჭოს გადაწყვეტილებით, პირველი მარტიდან საჰაერო, სახმელეთო და საზღვაო საზღვრით საქართველოში შემოსვლის უფლება აქვს უცხო ქვეყნის ყველა მოქალაქეს, რომელიც არის სრულად ვაქცინირებული, ან წარადგენს 72-საათიანი ვალიდურობის მქონე PCR-ტესტის უარყოფით პასუხს.

ამის შესახებ ინფორმაციას საქართველოს მთავრობის ადმინისტრაციის პრესსამსახური ავრცელებს.

„1-ლი მარტიდან საჰაერო, სახმელეთო და საზღვაო საზღვრით შემოდის უცხო ქვეყნის ყველა მოქალაქე/რეზიდენტი, რომელიც – არის სრულად ვაქცინირებული; ხოლო ვაქცინაციის არქონის შემთხვევაში, წარადგენს 72-საათიანი ვალიდურობის მქონე „პისიარ“ ტესტს (მესამე დღეს „პისიარ“ ტესტირების ვალდებულების გარეშე); იხსნება ქვეყნების ე.წ. ჩამკეტი“, – აღნიშნულია ინფორმაციაში.

ამასთან, საკოორდინაციო საბჭოს გადაწყვეტილებით, ქვეყანაში საქართველოს მოქალაქეების „პისიარ“ტესტით შემოსვლის შემთხვევაში იხსნება მესამე დღეს „პისიარ“ტესტირების ვალდებულება, ხოლო „პისიარ“ტესტის არქონის შემთხვევაში არსებული 8-დღიანი თვითიზოლაცია შემცირდება 5 დღემდე;

„რეგულაციების შემსუბუქების გათვალისწინებით, უქმდება ბიზნესვიზიტორების, „იმუშავე საქართველოდან“ და სტუდენტური აპლიკაციები“, – ნათქვამია ინფორმაციაში.

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close