დასახელდა დრო, როდესაც შევძლებთ თბილისიდან ბათუმში 3 საათში ჩასვლას

11/11/2021

322 Less than a minute

რიკოთის საუღელტეხილო გზაზე ხიდებისა და გვირაბების მშენებლობა აქტიურად მიმდინარეობს, ამ დროისათვის უკვე გაჭრილია 14 გვირაბი, პარალელურად კი სამუშაოები გრძელდება 80 ხიდსა და 47 გვირაბზე, ნათქვამია საავტომობილო გზების დეპარტამენტის გვერდზე გავრცელებულ ინფორმაციაში.

რიკოთის საუღელტეხილო გზაზე ხიდებისა და გვირაბების მშენებლობა აქტიურად მიმდინარეობს. ამ დროისათვის უკვე გაჭრილია 14 გვირაბი, პარალელურად კი სამუშაოები გრძელდება 80 ხიდსა და 47 გვირაბზე.

რიკოთზე, საერთო ჯამში, დაგეგმილია 51.6 კმ-მდე სიგრძის მაგისტრალური 4-ზოლიანი გზის მშენებლობა, რომელიც 96 ხიდსა და 53 გვირაბს მოიცავს.

რიკოთის საუღელტეხილო მონაკვეთის მშენებლობა „საუკუნის პროექტია“, რომელიც ურთულეს გეოლოგიურ და გეოგრაფიულ მარშრუტზე, რთული საინჟინრო კონსტრუქციებით ხორციელდება.

ამ დროისთვის რიკოთზე გადაადგილების სიჩქარე 60 კმ/სთ-ია, მშენებლობის დასრულების შემდეგ კი სიჩქარე გაორმაგდება.

პრემიერ-მინისტრ ირაკლი ღარიბაშვილის თქმით, თბილისიდან ბათუმში ჩასვლა 3 საათში გახდება შესაძლებელი.

რიკოთის მონაკვეთი ჩქაროსნული გზის მშნებლობაში გარდამტეხი პროექტი იქნება, ვინაიდან ამ პროექტის შედეგად ერთმანეთს დაუკავშირდება აღმოსავლეთ და დასავლეთ საქართველოში უკვე აშენებული ჩქაროსნული მონაკვეთები.

რიკოთის საუღელტეხილო მონაკვეთის მოდერნიზება უმნიშვნელოვანესია საგზაო ქსელის განვითარებისა და თანამედროვე სტანდარტებთან შესაბამისობაში მოყვანის კუთხით.

ახალი გზა ითვალისწინებს საგზაო უსაფრთხოების ყველა თანამედროვე სტანდარტს.

რიკოთის საუღელტეხილო გზის მშენებლობის დასრულება ეტაპობრივად, 2023 წლისთვის არის დაგეგმილი.

რიკოთის საუღელტეხილო გზის სამშენებლო სამუშაოები 2019 წლის მაისში დაიწყო.

COVID-19-ის პანდემიის მიუხედავად რიკოთის უღელტეხილზე სამუშაოები არ შეჩერებულა. მშენებლობაზე ამ დროისათვის 4 ათასზე მეტი ადამიანია დასაქმებული, რომელთა უმეტესობა საქართველოს მოქალაქეა.