მსოფლიოკრიმინალი

სექსსკანდალის საქმეში, რომელშიც ბრიტანეთის დედოფლის ვაჟი, პრინცი ენდრიუ ფიგურირებს, ახალი მოწმე გამოჩნდა

ამერიკელი მილიარდერის, ჯეფრი ეპშტეინის მეგობარ ქალს, გისლეინ მაქსველს ბრალდება კიდევ ორი ახალი მუხლით წაუყენეს – მას ტრეფიკინგის შეთქმულებასა და არასრულწლოვნის ტრეფიკინგში ჩართვას ედავებიან.

ჯეფრი ეპშტეინი 2019 წელს საკუთარ საკანში გარდაცვლილი იპოვეს, მილიარდერი სასამართლო პროცესის დაწყების მოლოდინში იყო. 66 წლის ეპშტეინს არასრულწლოვნებით სექსუალურ ვაჭრობასა და მოწმეების მოსყიდვაში ადანაშაულებდნენ. ის სამართალდამცველებმა ნიუ-იორკში დააკავეს და 45-წლიანი პატიმრობა ემუქრებოდა.

მისი მეგობარი ქალის, გისლეინ მაქსველის მიმართ წაყენებულ ბრალდებებში ფიგურირებს კიდევ ერთი სავარაუდო დაზარალებული, რომელსაც არასრულწლოვან ასაკში სექსუალურ კავშირს აიძულებდნენ.

სასამართლოს მასალების მიხედვით, მაქსველი მცირეწლოვან გოგონებს ეპშტეინთან სექსუალური კავშირისთვის ამზადებდა.

გისლეინ მაქსველს, მედიამაგნატ რობერტ მაქსველის შვილს, ჯეფრი ეპშტეინთან სასიყვარულო ურთიერთობა 1990-იან წლებში ჰქონდა. სწორედ მან გააცნო ფინანსისტს მდიდარი და გავლენიანი პირები, მათ შორის, დონალდ ტრამპი, ბილ კლინტონი და ბრიტანეთის პრინცი ენდრიუ.

დედოფალ ელისაბედის შვილი ეპშტეინის სკანდალში ერთ-ერთი ხმაურიანი ფიგურაა – საქმის დაზარალებულმა ვირჯინია რობერტსმა განაცხადა, რომ ჯერ კიდევ არასრულწლოვანი იყო, როდესაც ეპშტეინი აიძულებდა, სექსუალური კავშირი დაემყარებინა მის მეგობრებთან – მათ შორის იყო პრინცი ენდრიუ.

Channel 4-ის მა­სა­ლე­ბის მი­ხედ­ვით, ვირ­ჯი­ნია ერთ-ერთი იყო იმ ცხრა გო­გო­ნას შო­რის, ვის­თა­ნაც პრინცს სექ­სი ჰქონ­და. ორ­გი­ის შე­სა­ხებ რო­ბერტსი სა­სა­მარ­თლო­ში წარ­დგე­ნილ მა­სა­ლა­ში ყვე­ბა. ამასთან, მედიაში გავრცელდა ფოტოც, სადაც ენდრიუ ვირჯინია რობერტსთან ერთად არის გადაღებული.

აღნიშნული სკანდალის გამო სასახლემ პრინცი ენდრიუ სამეფო საქმიანობიდან გაათავისუფლა.

rustavi2.ge

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close