სიკვდილი საბითუმო არ უნდა გახდეს. გაჩვეულებრივებული სიკვდილი ყველაზე საშიშია – გიორგი კეკელიძე

მოკლეს, დაიხრჩო, თავი მოიკლა, დაიკარგა… ასეთი ტრაგიკული შემთხვევები იმდენად გახშირდა, რომ როგორც ეროვნული ბიბლიოთეკის დირექტორი გიორგი კეკელიძე Facebook-ში წერს,  შესაძლოა ეს ყველაფერი საზოგადოებისთვის უკვე ჩვეულ ამბად იქცეს, რაც ძალიან საშიშია.

„მთელი დღეა ჯავახეთის მთიანეთში ჩვეულად დავხეტიალობ – წიგნებით და მომარაგებული სიტყვებით – რომ განათლება გადაგვარჩენს, რომ ცოდნა გვიხსნის. ვლაპარაკობ და ვხვდები – მაინც გულსგარეთაა ეს ლაპარაკი, მაინც იმისთვის ვაგრძელებ სათქმელს, რომ ამ ახალგაზრდა გოგოს სიკვდილის ცნობას ვისხლეტ და ვიშორებ. ადამიანი ვარ, მზაფრავს და მაშინებს ასეთი ამბები. მაშინებს და თითქოს მეც მკლავს. ერთი, ორი, სამი, ათი. ახალგაზრდა. ახალგაზრდა. ახალგაზრდა. მკვლელობა. მკვლელობა. მკვლელობა. იქ გაჩერებული სიცოცხლე, სადაც წესით იწყებოდა. იქ ჩამოშვებული ფარდა და ფარდის აქეთ, ჩვენ – „ველოდებით ექსპერტიზის შედეგებს”. ფარდის იქით კი არავინ არაფერს ელოდება. დუმილია და გაჩერებული სიცოცხლე, იქ, სადაც, წესით იწყებოდა. მერე, თუ კიდევ დაემატა და დაემატა, ერთ დღესაც მართლა ავისხლეტთ ასეთ ამბებს. ვეღარ გავუმკლავდებით. საშიშია ეს. ძალიან. სიკვდილი საბითუმო არ უნდა გახდეს. გაჩვეულებრივებული სიკვდილი ყველაზე საშიშია. მით უფრო მისი, ვისი სიცოცხლეც, ვიტყვი მესამედ, ხვალ იწყებოდა”, – წერს კეკელიძე.

საქართველოში კიდევ ერთ დაკარგულ არასრულწლოვანს – 15 წლის ნინო ჯარიაშვილს ეძებდნენ, რომელიც სახლიდან 19 ივლისს დილის საათებში გავიდა და 5 დღე არ ჩანდა დღეს დილით კი ცნობილი გახდა, რომ დაკარგული 15 წლის გოგონა თბილისში იპოვეს და ჯანმრთელი და უვნებელი სახლში დააბრუნეს. ამის შესახებ ინფორმაცია შინაგან საქმეთა სამინისტრომ დაადასტურა.

მოგვიანებით კი გაირკვა, რომ მოზარდს სახლში დაბრუნება არ უნდოდა და იგი საკუთარი ნებით ბავშვთა სახლში წაიყვანეს.

„სახ­ლში არ დაბ­რუ­ნე­ბუ­ლა, თა­ვი­სი­ვე ნე­ბით ბავ­შვთა სახ­ლში წა­იყ­ვა­ნეს. არა­ნა­ი­რი კონ­ფლიქ­ტი არ ჰქონ­და. არა­ნა­ი­რი მო­ტი­ვი არ ჰქო­ნია, თა­ვი­სი სურ­ვი­ლი იყო, იმი­ტომ რომ არ ჰქონ­და თა­ვი­სუფ­ლე­ბა და არ შე­ეძ­ლო ის ეკე­თე­ბი­ნა, რაც 15 წლის ბავ­შვის­თვის არ შე­იძ­ლე­ბო­და. ოჯახ­ში უშ­ლიდ­ნენ, 15 წლის ბავ­შვს არა­ვინ გაალეთებინებს იმას, რაც არ არის სა­ჭი­რო. ბავ­შვია და ასე­თი გა­და­წყვე­ტი­ლე­ბით ვერ ხვდე­ბა რას აკე­თებს. არა­ნა­ი­რი ინ­ფორ­მა­ცია არ გვაქვს. ღა­მის სამ სა­ათ­ზე იპო­ვა პო­ლი­ცი­ამ. ბავ­შვია და არ იცის რას აკე­თებს“, –  უთხრა „პლიტრანიუსს“ მო­ზარ­დის დამ.