AIR FRANCE-ი თბილისსა და პარიზს შორის რეგულარულ რეისებს 8 აგვისტოდან განაახლებს

სამოქალაქო ავიაციის სააგენტომ დაზუსტებული ინფორმაცია გამოაქვეყნა „ეარ ფრანსის“ რეისების შესახებ. პარიზი-თბილისი-პარიზის საჰაერო ხაზზე რეგულარული საჰაერო მიმოსვლა 8 აგვისტოდან განახლდება.

როგორც სააგენტო იტყობინება, უკვე დასრულდა ტექნიკური მოლაპარაკებები საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოსა და „ეარ ფრანსს“ ​ შორის. ფრანგული ავიაკომპანია ფრენას კვირაში ორჯერ შემდეგი განრიგით შეასრულებს:

• პარიზი (შარლ დე გოლის აეროპორტი) – თბილისი, ყოველ ოთხშაბათს და შაბათს;
• თბილისი – პარიზი (შარლ დე გოლის აეროპორტი), ყოველ ხუთშაბათსა და კვირას.

რეგულარული რეისები Airbus A320 და A321 ტიპის საჰაერო ხომალდებით შესრულდება.