ბარსელონიდან სპეცრეისით დღეს სამშობლოში საქართველოს 170 მოქალაქე დაბრუნდება

დღეს ბარსელონიდან ქუთაისის აეროპორტში ავიაკომპანია „მაივეი ეარლაინსის“ (Myway Airlines) კუთვნილი თვითმფრინავი ჩამოფრინდება, რომლითაც საქართველოს 170 მოქალაქე სამშობლოში დაბრუნდება.

დაბრუნებულ მოქალაქეებს 14-დღიანი სავალდებულო კარანტინის გავლა მოუწევთ.

როგორც ცნობილია, ივლისში ევროპის ქალაქებიდან კიდევ სამი სპეცრეისი შესრულდება საქართველოს მოქალაქეების სამშობლოში დასაბრუნებლად:

17 ივლისს: თბილისი – რომი – თბილისი (ავიაკომპანია Myways Airlines);

22 ივლისს: პარიზი – ქუთაისი – პარიზი (ბოვე) – ქუთაისი (ავიაკომპანია Wizz Air);

28 ივლისს: ათენი – ქუთაისი – ათენი (ავიაკომპანია Wizz Air).