ჟირინოვსკი ლენინის მუმიის გაყიდვის ინიციატივით გამოდის
რუსეთის ლიბერალ-დემოკრატიული პარტიის ლიდერი ლენინის მუმიის კომერციალიზაციის ინიციატივით გამოდის. ამის შესახებ მან Twitter-ის გვერდზე დაწერა.
„საფრანგეთში ბიზნესმენი „ჯოკონდას“ გაყიდვის ინიციატივით გამოვიდა. ჩვენ შეგვიძლია გავყიდოთ ლენინის მუმია“, – წერს პოლიტიკოსი. ჟირინოვსკის აზრით, ბელადის მუმიის შესყიდვის მსურველი გამოჩნდება.
„ჩინეთი, ვიეტნამი ან რომელიმე კომუნისტი იყიდის. ლენინი კარგ მდგომარეობაშია. მას ხომ მუმიფიცირება სულ რაღაც 96 წლის წინ ჩაუტარეს“, – წერს ჟირინოვსკი.
რუსეთის ლიბერალ-დემოკრატიული პარტიის ლიდერი ბელადის მუმიის გაყიდვით მიღებული „დიდი ფულით“ ქვეყნის ბიუჯეტის შევსებას აპირებს.
Во Франции бизнесмен хочет продать картину «Джоконда». Мы могли бы продать мумию Ленина. Покупатели найдутся: Китай, Вьетнам или какой-нибудь коммунист. С продажи мумии бюджет может получить огромные деньги. Ленин в хорошем состоянии, мумифицировали всего-то 96 лет назад.
— Владимир Жириновский (@Zhirinovskiy) May 21, 2020
გარდაცვალების შემდეგ, 1924 წელს ლენინის ნეშტს ბალზამირება გაუკეთდა და მსოფლიო პროლეტარიატის ბელადის მუმია დღემდე წითელ მოედანზე სპეციალურად მისთვის აგებულ მავზოლეუმშია მოთავსებული. სამხედრო ისტორიკოსის, მწერალ ბორის იულინის გამოთვლით, ლენინის ნეშტის შენახვა მავზოლეუმში რუსეთის სახელმწიფო ბიუჯეტს წელიწადში 17 მილიონი რუბლი უჯდება.
მანანა ბანძელაძე
კომენტარები