fbpx
მოდა/სილამაზემსოფლიო

„ტანსაცმელს აღარ ვიყიდი“ – ჯეინ ფონდას „ოსკარზე“ ისევ ის კაბა ეცვა, რომელიც 2014 წელს კანის ფესტივალზე

ჯეინ ფონდამ საჯაროდ დადო პირობა, რომ მეტ ტანსაცმელს აღარ შეიძენს და „ოსკარის“ 2020 წლის დაჯილდოებაზეც ძველი კაბით გამოცხადდა.

მსახიობს „ოსკარზე“Elie Saab-ის წითელი კაბა ეცვა, რომლითაც 2014 წლის კანის კინოფესტივალზე უკვე ნამყოფი იყო.

ერთადერთი რამ, რაც მის წლევანდელ ჩაცმულობას მაშინდელისგან განასხვავებდა, წითელი მოსაცმელი იყო, რომელიც, მსახიობის თქმით, უკანასკნელი ტანსაცმელია, რომელიც შეიძინა.

„ხედავთ მოსაცმელს? რაიმე წითელი მჭირდებოდა, გარეთ გავედი და ეს ფასდაკლებით ვნახე. ეს არის უკანასკნელი ტანსაცმელი, რომელიც შევიძინე.

ჩვენ არ უნდა ვაქციოთ საყიდლებზე სიარული ჩვენი იდენტობის ნაწილად. არაფერში გვჭირდება კიდევ უფრო მეტი ნივთი, ამიტომ მე ტანსაცმლის ყიდვას აღარ ვაპირებ“, – თქვა ჯეინ ფონდამ.

2020 წ., „ოსკარის“ დაჯილდოება
2014 წ., კანის კინოფესტივალი

82 წლის მსახიობი ყოველ პარასკევს ვაშინგტონში კლიმატის ცვლილების საწიმააღმდეგო აქციას ატარებს და მისი მიმდინარეობისას პოლიციამ რამდენჯერმე დააკავა.

წყარო

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close