fbpx
მსოფლიორას არ გაიგებ/ფაქტებიკრიმინალისაზოგადოება

აშშ-მექსიკის საზღვარზე კონტრაბანდისთვის განკუთვნილი ყველაზე გრძელი გვირაბი აღმოაჩინეს

აშშ-მექსიკის საზღვარზე ყველაზე გრძელი გვირაბი აღმოაჩინეს, რომელიც კონტრაბანდის გადატანისათვის გამოიყენებოდა. გვირაბი აგვისტოში აღმოაჩინეს, თუმცა მის შესახებ ინფორმაცია ამერიკელმა სამართალდამცველებმა გუშინ გაავრცელეს.

გვირაბი საშუალოდ 21 მეტრის სიღრმეზეა, 1,313 მეტრი სიგრძისაა და აქვს ლიფტი, ლიანდაგები, სავენტილაციო სისტემა, ელექტროგაყვანილობა და სადრენაჟო სისტემა.

ის მექსიკის ქალაქ ტიხუანას და კალიფორნიის შტატის ქალაქ სან დიეგოს მიმდებარე ტერიტორიებს აკავშირებს ერთმანეთს. ამ ტერიტორიაზე სინალოას კარტელი მოქმედებს. მისი ლიდერი ხუაკინ „ელ ჩაპო“ გუზმანი აშშ-ის ციხეში უვადოდ იხდის სასჯელს.

სამართალდამცველებს ჯერჯერობით არავინ დაუკავებიათ. გვირაბში არ აღმოჩნდა ნარკოტიკული საშუალებებიც, თუმცა ამერიკელ სამართალდამცველებს მიაჩნიათ, რომ ის სწორედ ქვეყანაში ნარკოტიკების მალულად შესატანად გამოიყენებოდა.

2016 წლის შემდეგ კალიფორნიის შტატისა და მექსიკის საზღვარზე ათობით გვირაბი აღმოაჩინეს.

tabula.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close