მედიცინამსოფლიოქართველები უცხოეთში
ქართველი ლექტორი ჩინეთის ქალაქ უჰანიდან, რომელმაც ავსტრალიაში გადასვლა მოასწრო (ვიდეო)
გაიოზ ცუცუნაშვილის თქმით, ქალაქის ჩაკეტვის შემდეგ იქ პანიკაა: ხალხი ცდილობს მოიმარაგოს სურსათი, ხდება ინციდენტები მარკეტებში, სადაც ხილისა და ბოსტნეულის დეფიციტი უკვე თვალსაჩინოა. ევროპული ქვეყნები, მაგალითად, გერმანია, ამ დროისთვის ეპიდემიის კერიდან საკუთარი მოქალაქეების ევაკუაციის საჭიროებას ვერ ხედავს, თუმცა საელჩოები მათ შესახებ მონაცემებს აგროვებენ.
ვირუსის პირველი შემთხვევა აშშ-მა დაადასტურა. ვაშინგტონის შტატის მცხოვრები, რომელიც 15 იანვარს დაბრუნდა ვირუსის გავრცელების ეპიცენტრიდან, სიეტლის საავადმყოფოშია მოთავსებული. საქმე ეხება 30-იდან 40 წლამდე მამაკაცს, რომელმაც ექიმებს 19 იანვარს მიაკითხა, თუმცა ახლა მისი ჯანმრთელობის მდგომარეობა დამაკმაყოფილებელია და ის საავადმყოფოში, იზოლაციაში იმყოფება.
ახალი ვირუსი პირველად 2019 წლის დეკემბერში ჩინეთის ქალაქ უჰანში დაფიქსირდა. მეცნიერების ვარაუდით, ვირუსი ცხოველიდან გავრცელდა.
radiotavisupleba.ge
კომენტარები