მსოფლიოსაქართველოსპორტი

ისტორიული შედეგი – მოციგურავე მორის ყვითელაშვილმა ევროპის ჩემპიონატზე ბრინჯაოს მედალი მოიპოვა (ვიდეო)

ავსტრიის ქალაქ გრაცში მიმდინარე ევროპის ჩემპიონატზე ფიგურულ ციგურაობაში მამაკაცთა შორის მედლების პირველი კომპლექტი გათამაშდა. ვაჟთა ერთეულებში ორი ქართველი სპორტსმენი მონაწილეობდა – მორის ყვითელაშვილი და ირაკლი მაისურაძე.

მოკლე და თავისუფალი პროგრამების ჯამური 246,71 ქულით ჩემპიონატის ბრინჯაოს მედლის მფლობელი ქართველი მოციგურავე მორის ყვითელაშვილი გახდა.

მორისი საქართველოს სახელით 2017 წლიდან ასპარეზობს. ამ პერიოდის განმავლობაში ყვითელაშვილმა საერთაშორისო ტურნირებზე სხვადასხვა სინჯის არაერთი მედალი მოიპოვა, მაგრამ ევროპის ჩემპიონატის ბრინჯაოს მედალი მის სპორტულ კარიერაში ყველაზე მნიშვნელოვანი გამარჯვებაა.

ჩემპიონატის ოქროს მედლის მფლობელი რუსეთის ჩემპიონი დიმიტრი ალიევი გახდა, ხოლო ვერცხლის მედალი ასევე რუსეთის წარმომადგენელს, არტურ დანიელიანს ერგო, რომელმაც ქართველ მოციგურავეს სულ რაღაც 0.03 ქულით აჯობა.

ჩვენი ქვეყნის მეორე წარმომადგენელი, 19 წლის ირაკლი მაისურაძე 214.47 ქულით მე-14 ადგილს დასჯერდა.

1tv.ge

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close