გიორგი მაკარიძე პორტუგალიის საუკეთესო სამეულშია – ქართველი ბოლო მატჩის გმირია

საქართველოს ნაკრების მეკარის დასახელება შემთხვევითი არაა. მაკარიძემ მიმდინარე სეზონში 13 შეხვედრა ჩაატარა და შვიდჯერ თამაში ისე დაასრულა, გოლი არ გაუშვია. უკეთესი მაჩვენებლები მხოლოდ ორ მეკარეს აღმაოჩნდა: „პორტუსა“ და არგენტინის ნაკრების კიპერ აუგუსტინ მარჩესინს, რომელმაც რვა „მშრალი“ თამაში ჩაატარა და ხმების დაახლოებით 38 პროცენტი მიიღო; ასევე, „ბენფიკასა“ და საბერძნეთის ნაკრების მეკარე ოდისეას ვლახოდიმოსს, რომელსაც ბურთი ცხრა შეხვედრაში არ გაუშვია და 27% მიიღო. გიორგი მაკარიძემ კი ხმების 11 პროცენტი დააგროვა.

გიორგის მიღწევა იმითაა დასაფასებელი, რომ „პორტუსა“ და „ბენფიკას“ მეკარეებისგან განსხვავებით, ის ერთ-ერთ აუტსაიდერ გუნდში თამაშობს. 29 წლის ქართველმა მეკარემ თავი ბოლო ტურშიც გამოიჩინა. გასვლაზე „ვიტორია სეტუბალმა“ „პაკო დე ფერეირა“ 2:3 დაამარცხა, გიორგი კი მატჩის საუკეთესო მოთამაშედ აღიარეს.

1tv.ge