ქეთი მელუა გორის ქალთა გუნდთან ერთად ალბომს LIVE IN CONCERT გამოუშვებს

ბრიტანეთში მოღვაწე ქართველმა მუსიკოსმა ქეთი მელუამ საკონცერტო ალბომის – LIVE IN CONCERT-ის გამოშვება დააანონსა. ალბომში გორის ქალთა კამერულ გუნდთან ერთად 2018 წლის დეკემბერში ლონდონის ისტორიული რაიონის, უესტმინსტერის CENTRAL HALL-ში გამართულ კონცერტზე შესრულებული კომპოზიციები იქნება წარმოდგენილი. მასთან ერთად გავრცელდება 84-გვერდიანი ფოტოწიგნი, რომელიც ამავე პერიოდში ჩატარებული ტურნეს ფარგლებში გადაღებულ სურათებს გააერთიანებს.

სტუდიურ ჩანაწერში, რომელიც დღის სინათლეს 13 დეკემბერს იხილავს, წარმოდგენილი იქნება ქეთისა და გორის ქალთა გუნდის ერთობლივ ალბომში In Winter შესული სიმღერების ლაივ ჩანაწერები, ასევე, ცოცხლად შესრულებული კლასიკური კომპოზიციები, როგორიცაა: ლუი არმსტრონგის What A Wonderful World, ჯონი მიტჩელის River, როკ ჯგუფ The Cure-ის კომპოზიცია Just Like Heaven და ბრიტანელი არტისტის, Black-ის Wonderful Life.

 

View this post on Instagram

 

The team at KM HQ have worked hard to pull together agorgeous new 2xCD live album in an 84-page photo-book, recorded during our last Winter Tour with Gori Women’s Choir. The multi-track recordings have been newly mixed by @lhn_recording and mastered to bring back the memory of those amazing winter nights. Special thanks to Karni from @karni_and_saul for the incredible photographs, @lizziebdesign for pulling such a beautiful album together, and of course my amazing bandmates and our crew for the music! The album features live versions of tracks from In Winter, and our renditions of classics such as Just Like Heaven, River, Wonderful Life, and What A Wonderful World. See website for pre-order details.

A post shared by Katie Melua (@katiemeluaofficial) on

ქეთიმ გორის ქალთა კამერულ გუნდთან ერთად 2020 წლის ევროპული ტურნეც დააანონსა, რომელიც 30 ოქტომბერს დაიწყება და გაერთიანებულ სამეფოს, ირლანდიას და ევროპის სხვა ქვეყნებს მოიცავს. ეს მესამე ტურნე იქნება, რომელსაც არტისტი გუნდთან ერთად ჩაატარებს. აღსანიშნავია, რომ მათმა ერთობლივმა ალბომმა In Winter, რომელიც 2016 წელს გავრცელდა, ბრიტანულ ჩარტში მეცხრე პოზიცია დაიკავა.

არტისტმა მომავალი ლაივ ალბომიდან პირველი კომპოზიცია O Holy Night 17 ნოემბერს გაავრცელა.

ქართველმა მომღერალმა კარიერა 2003 წელს დაიწყო. ქეთი ორი Echo Awards-ის (გერმანიის „გრემად“ წოდებული მუსიკალური ჯილდო) მფლობელია. პოპვარსკვლავს 11 მილიონზე მეტი ალბომი აქვს გაყიდული. 2006 წელს ჩრდილოეთის ზღვის ქვეშ 303 მეტრის სიღრმეზე ჩატარებული სოლო კონცერტისთვის მელუა გინესის რეკორდების წიგნშიც მოხვდა.

popmusic.ge

კომენტარები