მიგრაციაnewsსაბერძნეთი
საბერძნეთი კარს უხურავს ყველა იმიგრანტს, რომელთაც თავშესაფრის მიღების უფლება არ აქვთ
![](https://nostal.ge/wp-content/uploads/2019/11/migrants-greece.jpg)
საბერძნეთი არასასურველი მიგრანტების უკან გასაბრუნებლად მოსაზღვრეების რაოდენობას ზრდის. ამის შესახებ Reuters-ი წერს.
გამოცემის ინფორმაციით, თურქეთთან საბერძნეთის სახმელეთო საზღვარზე დამატებით 400 მესაზღვრე იმუშავებს, კუნძულებზე კი – 800. ამასთან, გაიზრდება საზღვაო საპატრულო ეკიპაჟების რაოდენობაც.
„საბერძნეთში მხოლოდ მათ მივესალმებით, ვისაც ავირჩევთ. არასასურველ პირებს კი გავაბრუნებთ. კარს სამუდამოდ დავხურავთ ადამიანებით მოვაჭრეებისა და მათთვის, ვისაც თავშესაფრის მიღების უფლება არ აქვთ“, – განაცხადა ქვეყნის პრემიერ-მინისტრმა კირიაკოს მიცოტაკისმა.
რამდენიმე დღის წინ საბერძნეთის მთავრობამ მიგრანტების 3 უდიდესი ბანაკის დახურვის შესახებ განაცხადა. მათ ნაცვლად „გამგზავრებისა და იდენტიფიკაციის ცენტრები“ უნდა გაიხსნას.
წყარო: imedinews.ge
კომენტარები