იტალიაში 1-ლი ოქტომბრიდან გაზი და დენი ძვირდება

1-ლი ოქტომბრიდან ჩვეულებრივ იტალიურ ოჯახებს ელექტროენერგიისა და გაზის გაზრდილი გადასახადის გადახდა მოუწევთ. ამის თაობაზე იტალიური მედია იუწყება. ჩვეულებრივი ოჯახებისთვის ელექტროენერგიის საფასური 2,6%-ით იზრდება, გაზის კი – 3,9%-ით.

გაძვირების მიზეზებს შორის სახელდება სეზონური ფაქტორები და ევროპული ტრანზიტული გაზსადენებით სარგებლობის ზოგიერთი შეზღუდვა.

2019 წლის მონაცემებით, ჩვეულებრივი იტალიური ოჯახის მიერ ელექტროენერგიაზე გაწეული წლიური ხარჯი საშუალოდ 559 ევრო იქნება, გაზის ხარჯი კი – 1107 ევრო.

კომენტარები