ოჯახი ლიონელ მესის ბარსელონაში დაბრუნებას სთხოვს

„პარი სენ-ჟერმენის“ ფორვარდი ლიონელ მესი შესაძლოა „ბარსელონაში“ დაბრუნდეს.

როგორც გაზეთი The Mirror-ი წერს, არგენტინელი ფეხბურთელის ცოლი ვერ გრძნობს თავს ბედნიერად პარიზში. ამტკიცებენ, რომ ანტონელა როკუცოს არ მოსწონს ცხოვრება საფრანგეთში და მესის გამოუცხადა, რომ ბარსელონაში დაბრუნება სურს.

ლიონელ მესის შვილებმა დღემდე ვერ მოახერხეს პარიზულ ცხოვრებასთან ადაპტირება. ფებურთელის ოჯახს არ მოსწონს ქარიანი და წვიმიანი პარიზული ამინდი, ასევე ვერ ახერხებენ ფრანგულად კარგად ლაპარაკს. იტყობინებიან იმასაც, რომ მესის „ბარსელონაში“ დაბრუნებაზე დათანხმებას ცდილობენ ჩავი და დანი ალვეში.

1tv.ge