რით არის ზოდიაქოს თქვენი ნიშანი სხვა ნიშანზე უკეთესი

ზოდიაქოს თითოეული ნიშნის წარმომადგენელს თავისი ძლიერი და სუსტი მხარეები აქვს და ეს მას უნიკალურს ხდის. თუმცა, ყველაზე საუკეთესოს წოდება სხვადასხვა „ნომინაციაში“ მხოლოდ ერთს ერგება. ნახეთ, რით ხართ სხვაზე უკეთესი.

ზოგიერთი თვისება ადამიანს განსაკუთრებულს ხდის. მიუხედავად იმისა, რომ წარმატება შესაძლებელია ყველგან და ყველაფერში, ადამიანს მისი მიღწევა და შეფასება საუკეთესოს დამსახურება გარკვეულ სფეროში შეუძლია. ზოდიაქოს თითოეული ნიშნის დახასიათებაზე დაყრდნობით ასტროლოგებმა მათი უმთავრესი უპირატესობების გამოვლენა შეძლეს.

გაეცანით ჰოროსკოპს – რითაა თქვენი ზოდიაქოს ნიშანი სხვაზე უკეთესი.

ზოდიაქოს ყველაზე იღბლიანი ნიშანი

ზოდიაქოს ზოგიერთი ნიშანი ნამდვილი უიღბლოა, მაგრამ ტყუპი მათ რიცხვს არ მიეკუთვნება. ასტროლოგების დაკვირვებამ აჩვენა, რომ სწორედ ტყუპმა დაიმსახურა ყველაზე იღბლიანის წოდება. უნარი, გაჩნდნენ იქ, სადაც ყველაზე საჭირო არიან და იმ დროს, როცა ეს აუცილებელია, მათ წარმატებებში ეხმარება. რთულ სიტუაციაშიც კი შეუძლიათ განსაკუთრებული ძალისხმევის გარეშე გამოსავალი იპოვონ. ტყუპები დაბადებით იღბლიანი არიან და ამაში მათთვის კონკურენციის გაწევა ნამდვილად რთულია.

ზოდიაქოს ყველაზე კომუნიკაბელური ნიშანი

კომუნიკაბელურობაში სასწორთან შეჯიბრება შეუძლებელია. თუნდაც უცნობ კომპანიაში მოხვდნენ, მაინც შეძლებენ ყურადღების მიქცევას, არასდროს გააღიზიანებენ გარშემომყოფებს უაზრო ხუმრობებითა და „არაფერზე“ საუბრებით. სასწორებისთვის ძალზე მნიშვნელოვანია თავად ურთიერთობა, ხოლო ვისთან და რაზე – ეს სულერთია. ასტროლოგები მიიჩნევენ, რომ სასწორებს მარტოობისა ეშინიათ და ურთიერთობებისგან ნამდვილ სიამოვნებას იღებენ.

ზოდიაქოს ყველაზე კრეატიული ნიშანი

მდიდარი ფანტაზიისა და შემოქმედებითი აზროვნების წყალობით ასტროლოგებმა ყველაზე კრეატიულ ნიშნად მერწყული აღიარეს. ხშირად მერწყულები არაღიარებული გენიოსები არიან. მათ თავში დაბადებული ყოველი ახალი იდეა მეორისგან განსხვავდება. ზოგიერთი იდეა აბსურდულიც შეიძლება მოგეჩვენოთ, მაგრამ მერწყულებმა იციან, როგორ შეასხან მას ხორცი და ამით გარშემომყოფები გააკვირვონ. მათი პრობლემა ისაა, რომ დაწყებული საქმე ყოველთვის არ მიჰყავთ ბოლომდე, რის გამოც ხშირად ჩრდილში რჩებიან. თუ ამ ნაკლს მოიშორებენ, ამ ნიშნის წარმომადგენლები მიაღწევენ აღიარებასაც და სამყაროს შეცვლასაც შეძლებენ.

ზოდიაქოს ყველაზე მეოჯახე ნიშანი

საუკეთესო მეოჯახეთა რეიტინგში საპატიო პირველ ადგილს კირჩხიბები იკავებენ. მათი მთავარი მიზანია საიმედო პარტნიორის პოვნა, მყარი ოჯახის შექმნა და კარგ, მზრუნველ მშობლად ჩამოყალიბება. ამასთან, ისინი აფასებენ ოჯახურ ტრადიციებს და ხშირად ამ ტრადიციებს თავადაც ქმნიან. ასტროლოგები ირწმუნებიან: თუ გსურთ ცხოვრების იდეალური მეგზურის პოვნა, ის კირჩხიბებს შორის ეძებეთ.

ზოდიაქოს ყველაზე ძლიერი ნიშანი

ბევრმა შეიძლება გადაწყვიტოს, რომ ეს წოდება თავდაჯერებულ და ამბიციურ ვერძებს, ან ძალაუფლებისმოყვარე ლომებს ეკუთვნის, მაგრამ ასტროლოგებმა სხვაგვარად გადაწყვიტეს: მათი ვერსიით, ყველაზე ძლიერი თევზების ნიშანია. მიუხედავად მათი სიკეთისა და რბილი ხასიათისა, მათ აქვთ თვისება, რომელიც საშუალებას არ აძლევს, ყველაზე რთულ მომენტშიც კი ხელები ჩამოუშვან და ბრძოლა შეწყვიტონ. უმეტეს შემთხვევებში ისინი კეთილშობილი არიან, მაგრამ, აუცილებლობისას, ბნელი მხარის გამომჟღავნებაც შეუძლიათ.

ზოდიაქოს ყველაზე ლამაზი ნიშანი

მშვილდოსნებმა იციან სილამაზის ძალის ნამდვილი ფასი და არ ეშინიათ ამაზე დიდი დროისა და ფულის დახარჯვა. თავის მოვლისას ისინი დიდ ყურადღებას აქცევენ ყველა წვრილმანს და ხელიდან არ უშვებენ სრულყოფის შანსს. ასტროლოგების დაკვირვებიდან გამომდინარე, ამ ნიშნის წარმომადგენლები დაბადებით ლამაზი არიან. ისინი, ძლიერი თვისებებით მიმზიდველ გარეგნობასთან ერთად, ნამდვილად იმსახურებენ ყველაზე მიმზიდველი ნიშნის წოდებას.

ზოდიაქოს ყველაზე კეთილი ნიშანი

ზოდიაქოს ყველაზე კეთილ ნიშნად ტაქტიან და თავაზიან კუროს მიიჩნევენ. მათი სურვილი, დაეხმარონ ყველას, სიკეთის ნიშანია. ამას გარდა, ამაზე მეტყველებს მათი გარშემომყოფებთან ურთიერთობების მანერაც. თუნდაც კუროს გვერდით იმყოფებოდეს ადამიანი, რომელიც მას ძალიან აღიზიანებს, კურო არ აჩვენებს უარყოფით ემოციებს, პირიქით, თანამოსაუბრის მიმართ კეთილგანწყობას გამოიჩენს, რომ მან თავი კომფორტულად იგრძნოს.

ზოდიაქოს ყველაზე წარმატებული ნიშანი

წარმატებების მისაღწევად ყველა აუცილებელი თვისება თხის რქებს გააჩნიათ. სწორედ ამიტომ ასტროლოგები მივიდნენ დასკვნამდე, რომ ზოდიაქოს სწორედ ამ ნიშანს მიანიჭონ ყველაზე წარმატებულის წოდება. თხის რქას რთულია, კარიერისტი უწოდო, რადგან ისინი ცდილობენ, დრო არა მარტო სამსახურს, არამედ ოჯახსაც დაუთმონ. მაგრამ თუ ხელმძღვანელი პოზიციის დაკავება და შემოსავლების გაზრდა გადაწყვიტეს, მათთვის ეს დიდი სირთულე არ იქნება. მიზანსწრაფულობა თხის რქებს უფლებას აძლევს, მიაღწიონ თავიანთ მიზნებს და გახდნენ წარმატებული. სწორედ ამით გამოირჩევიან ისინი სხვა ნიშნებისგან.

ზოდიაქოს ყველაზე სექსუალური და ვნებიანი ნიშანი

მორიელების მიმზიდველობა სწორედ მათ სექსუალობაში იმალება. ბევრი ფიქრობს, რომ მორიელს ინტიმური სიახლოვე მხოლოდ ზედმეტი ენერგიისგან განმუხტვისთვის, სიამოვნების მიღებისთვის სჭირდება და ამ დროს პარტნიორის გრძნობები მას არ აინტერესებს. მაგრამ, სინამდვილეში, მათთვის უფრო მნიშვნელოვანია სხვა ადამიანის შეგრძნებები და ემოციები. სხვა ნიშნებისგან განსხვავებით, მორიელი მანამდე არ მოისვენებს, სანამ პარტნიორს გრძნობების ყველანაირ შესაძლებელ გამას არ აჩუქებს.

ზოდიაქოს ყველაზე ჭკვიანი ნიშანი

ქალწულები ისწრაფვიან, რომ იდეალური იყვნენ ყველაფერში. სწორედ ამიტომ ისინი, როგორც სხვა არავინ, ისწრაფვიან თვითგანვითარებისკენ, იღებენ ახალ-ახალ ცოდნას და მის პრაქტიკაში გამოყენებას ცდილობენ. ამას გარდა, ხელიდან გაუშვებენ შანსს, რომ თავისი ერუდიციით გაიბრწყინონ და სხვები საინტერესო ფაქტებითა და ცნობებით გააკვირვონ. მიუხედავად ქალწულების ნაკლოვანებებისა ასტროლოგები მიიჩნევენ, რომ ყველაზე ჭკვიანი ნიშნის წოდების მიღებაში მათ უპირატესობისკენ სწრაფვა დაეხმარა.

ზოდიაქოს ყველაზე პატიოსანი ნიშანი

ხანდახან აუტანელი ხასიათისა და თავმოყვარეობის გამო ვერძებს რთულია, საუკეთესო ნიშანი უწოდო, მაგრამ პატიოსნება – ის თვისებაა, რომელიც მათ სხვებისგან განასხვავებს. ხანდახან ვერძები ძალზე პირდაპირი არიან, მაგრამ ეს თვისება გაკიცხვას ყოველთვის არ იმსახურებს. უმრავლეს შემთხვევებში ვერძებს პირდაპირობა ეხმარება, მოიშორონ არასაჭირო კავშირები და წარმატებით დაამტკიცონ თავიანთი სიმართლე. ამაში პატიოსანი ვერძები ნამდვილად სხვებზე უკეთესი არიან.

ზოდიაქოს ყველაზე მომხიბლავი ნიშანი

ერთი შეხედვით ლომები ძალზე ამპარტავანი და თავის თავში შეყვარებული ჩანან. თუმცა, ასტროლოგები მიიჩნევენ, რომ ეს შეხედულება უსაფუძვლოა, რადგან ლომები ყველაზე მომხიბლავი არსებები არიან. მომხიბვლელობა ეხმარება მათ, თავი ყოველთვის იგრძნონ სათანადო სიმაღლეზე, განსაკუთრებით, იმის გათვალისწინებით, რომ ლომებისთვის გარშემომყოფების ყურადღება ენერგიის საუკეთესო წყაროა.

sputnik-georgia.com