ვინ შეძლო ქართველი ჰალკის გულის დაპყრობა? – ლევან საგინაშვილი ქორწინდება

17/09/2023

6,300 Less than a minute

გახსოვთ ალბათ, „ქეთო და კოტეში“ ქალაქში ხმა რომ გავარდა, კოტე ქორწინდებაო… ასეა ჩვენი ჰალკის დაქორწინების ამბავიც – მსოფლიოს უძლიერესი მკლავჭიდელი, შვიდგზის მსოფლიო და ექვსგზის ევროპის ჩემპიონი, მსოფლიო TOP 8 ჩემპიონატის გამარჯვებული, 34 წლის ლევან საგინაშვილი უკვე დაინიშნა და ეს ამბავიც უმალ გავრცელდა.

როგორც ლევანმა „კვირის პალიტრას“ ექსკლუზიურად გაუმხილა, მისი რჩეული ლელა ჯამასპიშვილია. ლელა 32 წლისაა, რუსთაველია, ისინი ერთმანეთს უნივერსიტეტიდან იცნობენ.

„ბეჭდისთვის თითი 28 ზომა მაქვს. ჰოდა, ჩემი ნიშნობის ბეჭდის გამო ცუდ დღეში აღმოჩნდნენ ლელას მშობლები. რაც ოქრო აქვთ ოჯახში, სულ უნდა გადაადნონ, რომ ჩემთვის ბეჭედი დაამზადებინონ“, – ხუმრობს ჰალკი.

ლევანი 17 სექტემბერს ამერიკაში გაფრინდა და დაბრუნებისთანავე გეგმავს ქორწილს, თუმცა, როგორც ამბობს, წვეულებების დიდი მოყვარული არ არის და ცერემონიის ვიწრო წრეში გამართვას აპირებს.