12 მარტს ლას ვეგასში (აშშ), UFC 221-ზე მერაბ დვალიშვილი თავის ერთ-ერთ უმთავრეს და პრინციპულ კონკურენტს, დივიზიონის ყოფილ ჩემპიონს, რუს პიოტრ იანს დაუპირისპირდა და UFC-ს ერთ-ერთი საუკეთესო მებრძოლი დამაჯერებლად დაამარცხა.
სამივე მსაჯის გადაწყვეტილებით, მერაბმა ხუთივე რაუნდი მოიგო და ზედიზედ მე-9 გამარჯვება მოიპოვა.
„ეს ბრძოლა ჩემთვის ძალიან პრინციპული იყო – რუსი მოწინააღმდეგე აუცილებლად უნდა დამემარცხებინა. უდიდესი მოტივაცია მქონდა და მიხარია, რომ ეს გავაკეთე. ძალიან ამაყი ვარ. მინდა მადლობა ვუთხრა ჩემს გულშემატკივრებს. ქართველებს, რომლებიც დარბაზში იყვნენ და აბსოლუტურად ყველას, ვინც მხარს მიჭერდა. ვიცი, რომ დღეს ბევრი უკრაინელი გულშემატკივარიც მყავდა. დიდება უკრაინას, დიდებას საქართველოს, დიდება მშვიდობას. პიოტრ იანი ამბობდა, რომ მე ნული ვარ. ვინ არის ახლა ნული?!“ – თქვა მერაბ დვალიშვილმა ბრძოლის დასრულების შემდეგ.
დვალიშვილის ფანებმა კარგად იციან მერაბის ყელსაბამის შესახებ – მას ყოველთვის თან ჰქონდა საქართველოს რუკის ფორმის ყელსაბამი, მაგრამ ბრძოლის დროს აუკრძალეს ყელსაბამის გაკეთება. ქართველმა მებრძოლმა ალტერნატიულ გზას მიმართა და საქართველოს რუკის ფორმის ტატუ გაიკეთა.
View this post on Instagram
ამ ბრძოლამდე დვალიშვილი UFC-ის სუპერმსუბუქი წონის რეიტინგში მესამე ადგილს იკავებდა, იანი კი მეორე პოზიციაზე იყო.
რუსი მეტოქის დამარცხების შემდეგ ქართველი სპორტსმენი დივიზიონის მეორე ნომერი გახდა და მას ჩემპიონის ქამარს ერთი ნაბიჯი აშორებს.
Machine like output by @MerabDvalishvil! #UFCLasVegas pic.twitter.com/LlIhOyTikJ
— UFC (@ufc) March 12, 2023
Totalsportal-ის ცნობით, მერაბს კონტრაქტის სახით გარანტირებული 250.000$ ჰქონდა, ამას დაემატა მოგების 100.000$ ბონუსი და 10.000$ სპონსორების სახით – ჯამში 360.000$.
MMA-ს ქართველმა ჩემპიონმა ემიგრაციაში შვიდი წელი მშენებლობებზე იმუშავა
კომენტარები