უკრაინელი პოლიტიკოსი ვოლოდიმირ პეტროვი „იუთუბ“ არხზე – ISLND TV რუსეთის პრეზიდენტის, ვლადიმირ პუტინის და მისი შვილების დედის, ალინა კაბაევას ამჟამინდელ ურთიერთობაზე საუბრობს.
პეტროვი ვიდეომიმოხილვაში ამბობს, რომ პუტინმა კაბაევას ახალი ქმარი უპოვა, რომელიც რუსეთ-უკრაინის ომის ერთ-ერთი „არქიტექტორია“ და გარდა ამისა, იგი ომის დასრულებასთან დაკავშირებულ მოლაპარაკებებშიც აქტიურად არის ჩართული.
„ყველას ჰქონია, რომ რუსეთს მართავს პუტინი, მაგრამ ეს არასწორი მოსაზრებაა. რუსეთს მართავს ერთდროულად რამდენიმე ადამიანი, მათ შორის, პუტინიც. გავლენების სფეროები გადანაწილებულია.
საინტერესოა, რა ხდება არა მხოლოდ პოლიტიკურ, არამედ პირად ნაწილშიც.
პუტინი არ ცხოვრობს ალინა კაბაევასთან. ეს არავისთვის საიდუმლო არა არის და იცის რუსეთის მთელმა ისტებლიშმენტმა, კაბაევას ჰყავს ახალი ქმარი და ეს არის პირველი შემთხვევა. ის, როგორც პასუხისმგებლობის გრძნობის მქონე ადამიანი, თავის ყოფილს ცოლს დაშორების შემდეგ ხელახლა ათხოვებს. ასე მოხდა პირველ ცოლთან გაშორების შემდეგაც, როცა ის ცნობილ ბიზნესმენზე გაათხოვა და ცხოვრობს ბედნიერად.
ასევე ხდება კაბაევასთან დაკავშირებით, რომელმაც პუტინს გაუჩინა შვილები, აქვთ ერთმანეთთან კონტაქტი. კრემლთან დაახლოებული ადამიანები ამბობენ, რომ მას უპოვეს ახალი ქმარი. და ეს კაცი არის არა მხოლოდ მისი ახალი ქმარი, არამედ უკრაინასთან ომის ერთ-ერთი „არქიტექტორია“ და მართავს არა მხოლოდ რუსეთში მიმდინარე მოვლენებს, არამედ მას გავლენები აქვს უკრაინასთან მოლაპარაკებების პროცესზე, რომელშიც უშუალოდ მონაწილეობს.
ის არის ასეთი პერსონაჟი – ვალოდინი, ამ ადამიანს პირდაპირი კავშირი აქვს ომთან, სახელმწიფოს მართვასთან, პუტინის ყოფილ ქალთან – კაბაევასთან, ცხოვრობს მასთან და პირდაპირი კავშირი ექნება რუსეთის მომავალ ხელისუფლებასთან.
ვალოდინი არის პუტინის პირდაპირი მემკვიდრე. შოიგუ გასწიეს გვერდით და ის აღარ ხელმძღვანელობს ომის თეატრს. ეძებენ მის შემცვლელს. ამ ინფორმაციის ფასეულობა ისაა, რომ პუტინს საქმე აღარ აქვს, აღარ ჰყავს ქალი, აღარ სჭირდება. მისთვის საგანგებოდ მოჰყავთ გარკვეული კატეგორიის ქალები, რომლებიც მის მოთხოვნილებებს აკმაყოფილებენ. რაც ახლა ხდება, ეს არის ერთადერთი საქმე, რითაც პუტინს ახლა შეუძლია დაკავდეს.
რადგან ვალოდინი მისი მემკვიდრეა, იმავეს გააგრძელებს, რადგან ეს ყველაფერი კარგად იყიდება. კაბაევასაც აწყობს ეს ყველაფერი, რადგან პირველ და მეორე შემთხვევაშიც პირობითად რჩება რუსეთის პირველ ლედიდ. ამას დავამატოთ შამანები და ჯადოქრები, რომელთა მომსახურებითაც ხშირად სარგებლობენ. მივიღებთ ადრინდელის პარალელურ ისტორიას, რაც 1916 წელს ხდებოდა რუსეთში.
ჩვენ გვახსოვს იმპერატორთა ოჯახები, მათი შვილები, რასპუტინი, რომელსაც დედოფალთან ეძინა, წაგებული ომის ფონზე უკმაყოფილო ხალხმა დაინახა სუსტი მმართველი, თავი იგრძნეს დამცირებულად, ომიდან ბრუნდებოდნენ უხელოდ, უფეხოდ და მეფე ჩამოაგდეს, მეფე გაანადგურეს და ეს ყველაფერი ჰგავს იმას, რაც ხდება რუსეთში და რაც შემდეგ მოხდება“, – ამბობს ვოლოდიმირ პეტროვი.
primetime.ge
კომენტარები