თურქმა გენერალმა საბერძნეთზე იერიშის გეგმა გაამხილა

საბერძნეთთან ომის შემთხვევაში თურქეთის მთავარი სახმელეთო სამიზნე ქალაქი თესალონიკი იქნება, – განაცხადა გადამდგარმა თურქმა გენერალმა ერდოღან ყარაყუშმა (Erdoğan Karakuş).

მეზობელ ქვეყანასთან სავარაუდო კონფლიქტის შესახებ გადამდგარმა თურქმა სამხედრომ პოლიტიკური დებატებისას ისაუბრა ტელეარხ CNN-ზე.

მან განაცხადა, რომ საბერძნეთმა, როგორც აშშ-ის მოკავშირემ, თავის ტერიტორიაზე აშშ-ის 20 სამხედრო ბაზა განათავსა. ერთ-ერთი მათგანი მდებარეობს თრაკიაში, ქალაქ ალექსანდრუპოლისთან. ყარაყუშის თქმით, ეს ფორპოსტი მთლიანად აღჭურვილია და მზადაა იმისათვის, რომ თურქული ჯარის სახმელეთო ოპერაციის ბლოკირება მოახდინოს.

თავის მხრივ, ათენი შეეცდება სტამბოლის აღებას, – მიიჩნევს სამხედრო მოსამსახურე.