კანადაში ყოფილი სკოლა-პანსიონატის ტერიტორიაზე 215 ბავშვის ცხედარი აღმოაჩინეს
კანადის ქალაქ კამლუპსში, ყოფილი სკოლა-პანსიონატის – Kamloops Indian Residential School-ის ტერიტორიაზე რადარის მეშვეობით 215 ბავშვის ნეშტი აღმოაჩინეს. ბრიტანულ კოლუმბიაში მდებარე ერთ-ერთი უდიდესი სკოლა-ინტერნატი, რომელიც თავის დროზე მკვიდრი მოსახლეობის – ინდიელების ასიმილაციის მიზნით შეიქმნა, 1978 წელს დაიხურა.
როგორც ВВС წერს, სამწუხარო აღმოჩენის შესახებ ქალაქის თემის მეთაურმა როზანა კაზიმირმა გაავრცელა ინფორმაცია.
გარდაცვლილი ბავშვები ბრიტანეთის კოლუმბიაში კამლუპსის სკოლის მოსწავლეები იყვნენ, ზოგიერთი დაღუპული ბავშვი მხოლოდ 3 წლის იყო.
როზანა კაზიმირის თქმით, რომლის ინიციატივითაც ჩატარდა გათხრები, ბავშვების გარდაცვალება სკოლის ადმინისტრაციას დოკუმენტურად არასდროს აუსახავს.
კანადის პრემიერ-მინისტრმა ჯასტინ ტრიუდომ განაცხადა, რომ ეს „აღმოჩენა ქვეყნის ისტორიის სამარცხვინო თავის მტკივნეული შეხსენებაა“.
The news that remains were found at the former Kamloops residential school breaks my heart – it is a painful reminder of that dark and shameful chapter of our country’s history. I am thinking about everyone affected by this distressing news. We are here for you. https://t.co/ZUfDRyAfET
— Justin Trudeau (@JustinTrudeau) May 28, 2021
მეცნიერები და სამართალდამცველები ბავშვების გარდაცვალების დროსა და მიზეზების დასადგენად მუშაობენ.
კანადაში XIX-XX საუკუნეებში სკოლა-ინტერნატები იყო შექმნილი მკვიდრი მოსახლეობის, ინდიელების ბავშვების იძულებითი ასიმილიაციის მიზნით. ისინი მთავრობასა და რელიგიური ლიდერების კონტროლს ექვემდებარებოდა. 1863-1998 წლებში მკვიდრი მოსახლეობის წარმომადგენელი 150 ათასი ბავშვი იძულებით დააშორეს ოჯახს და სკოლა-ინტერნატებში მოათავსეს, სადაც 4100-ზე მეტი ბავშვი გარდაიცვალა. ექვსწლიანი გამოძიების შედეგად, 2015 წელს გამოქვეყნებულ ანგარიშში საუბარია სკოლებში ფიზიკური და სექსუალური ძალადობის ფაქტებზე.
Honouring the spirits of children in the unmarked graves at Kamloops residential school. To families & nations who never knew what happened to their loved ones,I hope you find closure. I lift you up & Honour your sacred spirits. pic.twitter.com/UnBmf48cpH
— Leah ProudLakota (she/her) (@LeahGazan) May 28, 2021
თავის დროზე კანადაში ყველაზე დიდი – კამლუპსის სკოლა-ინტერნეტი ინდიელთათვის 1890-იდან 1969 წლამდე მუშაობდა. ის რომაულ-კათოლიკურმა ადმინისტრაციამ გახსნა. დაწესებულებაში ერთდროულად 500 ბავშვის მიღება იყო შესაძლებელი და ყველაზე დიდი დასწრება იქ 1950-იან წლებში იყო.
სკოლის მართვა ცენტრალურმა მთავრობამ 1969 წელს აიღო საკუთარ თავზე. მას შემდეგ, 1979 წლამდე, სანამ დაიხურებოდა, სკოლას მოსწავლეთა საცხოვრებლად იყენებდნენ. ამის შემდეგ კი შენობა მიატოვეს.
2008 წელს კანადის მთავრობამ მკვიდრი მოსახლეობის იძულებითი ასიმილაციის მიზნით შექმნილი სასკოლო სისტემისთვის ოფიციალურად მოიხადა ბოდიში.
A few scenes today from a vigil held in honour of the 215 children whose remains were discovered at the site of the former Kamloops Indian Residential School in Vancouver, B.C., on May 28, 2021. (Ben Nelms/ @cbcnewsbc) pic.twitter.com/fFTQWCsSM0
— Ben Nelms (@Ben_Nelms) May 29, 2021
ნუცა ყაველაშვილი
კომენტარები