ცნობილი იტალიელი სპორტსმენი, 26 წლის ფილიპო მონდელი, მსოფლიო ჩემპიონი აკადემიურ ნიჩბოსნობაში, თავისი ცხოვრების ყველაზე „მძიმე „რბოლაში დამარცხდა“, – იგი კიბოსგან გარდაიცვალა 29 აპრილს. ამის შესახებ იტალიური მედია წერს.
მონდელის გასული წლის თებერვალში უმძიმესი დიაგნოზი დაუსვეს – მარცხენა ფეხის ოსტეოსარკომა (ძვლის ავთვისებიანი კიბო). სამწუხაროდ, მძიმე სენთან გამკლავება ახალგაზრდა სპორტსმენმა ვერ შეძლო და გარდაიცვალა. 18 ივნისს მას 27 წელი შეუსრულდებოდა.
ფილიპო მონდელი 2018 წელს მსოფლიო ჩემპიონი გახდა ნიჩბოსნობაში წყვილთა ოთხეულის გუნდის შემადგენლობაში.
ნინო ხოშტარია
კომენტარები