გიგანტურმა ფრანმა 3 წლის ბავშვი ცაში გაიტაცა (ვიდეო)
გუშინ, 30 აგვისტოს ტაივანში საჰაერო ბუშტების ტრადიციული ფესტივალი გაიმართა. გიგანტური ფრანების გაშვების დროს ერთ-ერთმა მათგანმა ცაში 3 წლის გოგონა გაიტაცა. ამის შესახებ New York Times-ი იტყობინება.
გავრცელებული ინფორმაციით, ფრანის გაშვებისას ბავშვი შემთხვევით ზონარებს შორის გაიხლართა და დამოუკიდებლად თავის დაღწევა ვერ შეძლო. ფრანმა გოგონა მიწიდან 10 მეტრზე მაღლა აიყვანა. გოგონა არ დაიბნა და ფრანის კუდს მაგრად იყო ჩაჭიდებული.
Terrifying moment a child at a kite festival in Hsinchu, northern Taiwan gets tangled up in a kite and lifted fifty feet up into the air. pic.twitter.com/YAPL545yAn
— Mike Fagan (@MikeFaganTaiwan) August 30, 2020
საბედნიეროდ, შემთხვევა მშვიდობიანად დასრულდა – ქარის სიმძლავრე ნელ-ნელა დაცხრა, ფრანი ცოტა ძირს დაეშვა და ფესტივალის მონაწილეებმა მისი ზონარის დაჭერა და ბავშვის გადარჩენა შეძლეს.
ნინო ხოშტარია
კომენტარები