fbpx
იტალიასაზოგადოება

იტალიაში ისევ შემცირდა გარდაცვალების დღიური მაჩვენებელი და ინტენსიური თერაპიის პაციენტთა რიცხვი

იტალიაში გასულ 24 საათში კორონავირუსის გამო 433 ადამიანი დაიღუპა (18 აპრილს ლეტალობის დღიური მაჩვენებელი იყო 482, 17 აპრილს – 575). მთლიანობაში ქვეყანაში კოვიდ-19-ის დადასტურებული დიაგნოზით გარდაცვალების 23 660 შემთხვევაა დაფიქსირებული. ამის შესახებ „ანსა“ წერს.

სამოქალაქო დაცვის სამსახურის ინფორმაციის თანახმად, გასულ ერთ დღე-ღამეში ინფიცირების 3047 ახალი შემთხვევა გამოვლინდა (წინა დღით – 3491) და ინფიცირებულთა საერთო რაოდენობამ, გამოჯანმრთელებულთა და გარდაცვლილთა ჩათვლით, 178 972-ს მიაღწია.

უკვე ორ კვირაზე მეტია, ყოველდღე იკლებს ინტენსიური თერაპიის პაციენტთა რიცხვი და არც დღევანდელი დღე ყოფილა გამონაკლისი – ამჟამად ეს მაჩვენებელი 2635-ია, 98-ით ნაკლები, ვიდრე გუშინ (922 – ლომბარდიაში, 25-ით ნაკლები, ვიდრე შაბათს).

დაინფიცირებულთაგან იტალიაში მთლიანობაში 47 465 ადამიანი გამოჯანმრთელდა, რაც 2128-ით მეტია გუშინდელთან შედარებით (შაბათს გამოჯანმრთელებულთა რაოდენობის დღიური ზრდა 2200-ს შეადგენდა).

ნინო ხოშტარია

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close