ისრაელში საქართველოს საელჩო ჩვენს მოქალაქეებს აფრთხილებს

საქართველოს საელჩო ისრაელის სახელმწიფოში დამატებითი შეზღუდვების შესახებ მოქალაქეთა საყურადღებოდ ინფორმაციას ავრცელებს.

საელჩოს ცნობით, 2020 წლის 14 აპრილის 17:00 საათიდან 16 აპრილის 05:00 საათამდე ძალაში შედის დამატებითი შეზღუდვები, კერძოდ:

ისრაელის ტერიტორიაზე იკრძალება ქალაქებს შორის მიმოსვლა, ნებისმიერი სატრანსპორტო საშუალებით;

ისრაელის ტერიტორიაზე შეჩერდება საზოგადოებრივი ტრანსპორტის მოძრაობა;

იკრძალება მოქალაქეთა მიერ საცხოვრებელი ადგილის დატოვება, გარდა შინაური ცხოველის გასეირნებისა სახლიდან არა უმეტეს 100 მეტრის დაშორებით“, – ნათქვამია საელჩოს მიერ გავრცელებულ ინფორმაციაში.

საელჩოს ინფორმაციით, ახალი შეზღუდვების პარალელურად, ძალაში რჩება მანამდე დაწესებული შეზღუდვებიც.