ესპანეთში გარდაიცვალა კორონავირუსით ინფიცირებული საქართველოს კიდევ ერთი მოქალაქე

ესპანეთის ქალაქ ბარსელონაში კორონავირუსით ინფიცირებული საქართველოს მოქალაქე გარდაიცვალა.

საგარეო საქმეთა მინისტრ დავით ზალკალიანის ინფორმაციით, გარდაცვლილია 1965 წელს დაბადებული მოქალაქე, რომელსაც ჯანმრთელობის მდგომარეობა გართულებული ჰქონდა ონკოლოგიური დაავადების გამო, რასაც COVID-19 დაემატა.

მინისტრმა გარდაცვლილის ოჯახის წევრებს მიუსამძიმრა.

COVID-19-ის პანდემიის დაწყებიდან დღემდე საზღვარგარეთ კორონავირუსის გამო საქართველოს 7 მოქალაქე გარდაიცვალა: 4 მოქალაქე – ესპანეთში, 1 – დიდ ბრიტანეთში, 1 – აშშ-ში და 1 საფრანგეთში.

radiotavisupleba.ge