მწერალი ნინო ხარატიშვილი ბუკერის პრემიაზეა წარდგენილი

ბუკერის საერთაშორისო პრემიის ნომინანტების სიაში (LONGLIST) ქართველი მწერალი მოხვდა. ინფორმაცია პრემიის ოფიციალურ ვებგვერდზე გამოქვეყნდა.

გერმანიაში მოღვაწე ქართველი მწერალი ნინო ხარატიშვილი ყველაზე პრესტიჟულ ლიტერატურულ ჯილდოზე წარდგენილია წიგნით „მერვე სიცოცხლე“. მის გარდა წლის საუკეთესო წიგნის კატეგორიაში კიდევ 12 ავტორია წარდგენილი. მათი ნაწარმოებები ჟიურის წევრებმა 124 წიგნს შორის აარჩიეს.

ჯილდო ყოველწლიურად ენიჭება ინგლისურ ენაზე ნათარგმნ და დიდი ბრიტანეთსა ან ირლანდიაში გამოქვეყნებულ წიგნებს. გამარჯვებულ ავტორს და მისი წიგნის მთარგმნელს, ორივეს ერთად, 50 000 გირვანქა სტრელინგის ოდენობის ჯილდოს გადასცემენ.

ნომინანტთა მოკლე სია 2 აპრილს ლონდონში დასახელდება.

წყარო: imedinews.ge