თურქეთის დასავლეთში 6,7 მაგნიტუდის სიმძლავრის (ზოგიერთი შეფასებით – 7,0) მიწისძვრა მოხდა. ამის შესახებ ინფორმაცია AFAD-მა (საგანგებო სიტუაციებისა და სტიქიური უბედურებების მართვის სააგენტო) გაავრცელა. დაიღუპა, სულ ცოტა, 4 ადამიანი, 120-მდე დაშავდა. რყევა 15 წამი გრძელდებოდა.
მიწისძვრის ეპიცენტრი იზმირის პროვინციაში ქალაქ სეფერიჰისარის რაიონში მდებარეობდა, იზმირის სანაპიროსთან ახლოს, ეგეოსის ზღვაში. მიწისძვრის კერის სიღრმე 16,5 კმ-ს შეადგენდა.
თურქული მედიის და თვითმხილველების ინფორმაციით, ბიძგები ქვეყნის დასავლეთით მდებარე სხვადასხვა პროვინციასა და სტამბოლშიც იგრძნობოდა.
BREAKING – Footage of a building collapsing in the background after a powerful earthquake hit near #Izmir in Turkey.pic.twitter.com/1UWpYxWHeU
— Disclose.tv 🚨 (@disclosetv) October 30, 2020
თურქეთის შს მინისტრის, სულეიმან სოილუს თქმით, ბუჯის, ბაირაკლისა და ბორნოვის რაიონებში დაინგრა 6 შენობა.
VIDEO — Footage shows building destroyed by powerful tremor that struck western Turkeyhttps://t.co/ZQDw7t0GU3 pic.twitter.com/OiSkUnm1Cj
— DAILY SABAH (@DailySabah) October 30, 2020
მოგვიანებით გავრცელდა ინფორმაცია, რომ დაშავებულთა რიცხვი 152-მდე გაიზარდა, იზმირში 20 შენობა ჩამოინგრა, 70 ადამიანი ნანგრევებიდან გამოიყვანეს.
მიწისძვრამ შენობები და გზები ეგეოსის ზღვაში მდებარე ბერძნულ კუნძულ სამოსზეც დააზიანა, დაშავდა 8 ადამიანი. განსაკუთრებით ზიანი მიადგა ძველ შენობებს.
ადგილობრივების თქმით, ბიძგების დროს „ზღვა ნაპირებიდან გადმოვიდა“, „ეს პატარა ცუნამს ჰგავდა“, რასაც გადაღებული ვიდეოებიც ადასტურებს.
სტატია განახლებულია 19:00 სთ-ზე
კომენტარები