როგორ დავწვათ მეტი კალორია სიარულის დროს: კვლევის მთავარი დასკვნები
ჩატარებული კვლევა აჩვენებს, რომ სიარულის დროს ტემპისა და ინტენსივობის პერიოდული ცვლის შემთხვევაში საგრძნობლად მეტ ენერგიას ვხარჯავთ. სპეციალისტების თქმით, ნაბიჯის სისწრაფის მარტივი მონაცვლეობა ბუნებრივი ინტერვალური ვარჯიშის ეფექტს ქმნის და კალორიების წვას 6-20%-ით ზრდის, ვიდრე სტაბილური ტემპით სეირნობისას.
ფიტნესმოწყობილობები, რა თქმა უნდა, სასარგებლოა – ისინი გვიჩვენებენ გულისცემას, დატვირთვასა და კალორიების წვის ზონებს, თუმცა აქტივობისადმი სამეცნიერო მიდგომა გაცილებით მარტივ ფორმულაზეა დაფუძნებული.
აშშ-ის დაავადებათა კონტროლისა და პრევენციის ცენტრების (CDC) მიხედვით, მაქსიმალური გულისცემა გამოითვლება ფორმულით:
220 – ასაკი.
მაგალითად, 62 წლის ადამიანის მაქსიმალური გულისცემა წუთში 158 დარტყმაა.
საშუალო ინტენსივობის სიარულისთვის რეკომენდებული სამიზნე დიაპაზონია 110–131 დარტყმა/წთ. ამ დიაპაზონში სუნთქვა აჩქარებულია, მაგრამ საუბარი მაინც თავისუფლად შეგიძლიათ, უწყვეტი წინადადებებით – ეს არის ოპტიმალური დატვირთვის ინდიკატორი.
როგორ გავზარდოთ ენერგიის ხარჯვა სიარულის დროს
შეცვალეთ მარშრუტი
აირჩიეთ განსხვავებული ბილიკები, უფრო რთული რელიეფი ან მცირე აღმართები – ამ დროს კუნთები უფრო აქტიურად მუშაობს, რაც მეტაბოლურ დატვირთვას ზრდის.
პერიოდულად ცვალეთ ტემპი
სწრაფი და ნელი ნაბიჯების მონაცვლეობა ინტერვალური ვარჯიშის ეფექტს ქმნის. მცირე, მაგრამ ხშირი აჩქარებებიც კი მნიშვნელოვნად ზრდის საერთო ენერგომოხმარებას და კალორიებიც აქტიურად იწვება.
რატომ არის სიარული უნიკალური ვარჯიში
სიარული ერთ-ერთი ყველაზე ხელმისაწვდომი ფიზიკური აქტივობაა – არ საჭიროებს აღჭურვილობას, სპეციალურ სწავლას ან ფინანსურ რესურსს. მიუხედავად სიმარტივისა, მას მრავალი სარგებელი მოაქვს:
- აუმჯობესებს გულისა და ფილტვების მუშაობას;
- გვეხმარება წონის კონტროლში და ხელს უწყობს ცხიმოვანი მასის შემცირებას;
- ზრდის გამძლეობას;
- ამცირებს სტრესს და აუმჯობესებს განწყობას.
იქნება ეს წონის კლება, ფიზიკური მდგომარეობის თუ ზოგადი ჯანმრთელობის გაუმჯობესება, უბრალოდ, ყოველდღიური სიარული მარტივ, თუმცა შედეგის მიღწევის ერთ-ერთ ყველაზე ეფექტიან გზად რჩება.
ნუცა ყაველაშვილი
ადრე ვწერდით, რომ აკადემიკოსმა ლეო ბოკერიამ სიცოცხლის გახანგრძლივების ყველაზე მარტივი მეთოდი დაასახელა
კომენტარები