ვარშავაში საქართველოს მოქალაქეების სისხლიან დაპირისპირებას მსხვერპლი მოჰყვა

21 თებერვლის შუაღამის დადგომამდე ცოტა ხნით ადრე ვარშავის პოლიციაში შეტყობინება შევიდა ჩხუბის თაობაზე კონსტიტუციის მოედანზე მდებარე ერთ-ერთი რესტორნის წინ. ვარშავის საპოლიციო პატრული ინციდენტის ადგილზე სწრაფად მივიდა. 

წინასწარი ინფორმაციით, დანებით ჩხუბის დროს დაიჭრა 3 ქართველი, მათგან ერთი – 31 წლის მამაკაცი, გულის არეში მიყენებული ჭრილობით, საავადმყოფოში გადაიყვანეს, თუმცა ექიმების მცდელობამ შედეგი ვერ გამოიღო და, სამწუხაროდ, ახალგაზრდა კაცი გარდაიცვალა. კიდევ 2 დაჭრილი საავადმყოფოში იმყოფება, თუმცა მათ სიცოცხლისთვის საშიში დაზიანებები არ აქვთ.

როგორც Polskiemu Radiu იუწყება, ინციდენტთან დაკავშირებით დაკავებულია საქართველოს 3 მოქალაქე, ვარშავის პოლიციის მთავარი სამმართველოს თანამშრომლის თქმით, საგამოძიებო მოქმედებები გრძელდება.

როგორც ინციდენტის მოწმეები ამბობენ, კონ­ფლიქ­ტი ვარ­შა­ვის კონ­სტი­ტუ­ცი­ის მო­ე­დან­ზე მდებარე ქარ­თულ რესტორანში დაიწყო და მოგ­ვი­ა­ნე­ბით ქუ­ჩა­ში გა­გრძელდა. ვარაუდობენ, რომ საქმე ეხება კრიმინალურ გარჩევას, რომელშიც ქართული კრიმინალური დაჯგუფების წევრები მონაწილეობდნენ.

ნანა ძნელაძე