პოლონეთში მკვლელობისთვის ძებნილი საქართველოს მოქალაქე დააკავეს

პოლონეთში, კატოვიცე-პიჟოვიცეს საერთაშორისო აეროპორტში საზღვრის დაცვის თანამშრომლებმა საქართველოს მოქალაქე დააკავეს. ამის შესახებ პოლონური მედია იუწყება.

38 წლის მამაკაცს ინტერპოლი ყაზახეთის ხელისუფლების მოთხოვნით წითელი ცირკულარით ეძებდა ყაზახეთის მოქალაქის არაგანზრახ მკვლელობის ბრალდებით.

პო­ლო­ნუ­რი მე­დი­ის ინ­ფორ­მა­ცი­ით, 38 წლის კაცი 8 ივლისს და­ა­კა­ვეს, როდესაც იგი ქუ­თა­ი­სი­დან პოლონეთში ჩაფ­რინ­და. დაკავებული პოლიციას გადასცეს, რომელიც ამ საქმეზე კანონით გათვალისწინებულ შემდგომ მოქმედებებს განახორციელებს.