მსოფლიო თასი: საქართველოს წყალბურთელთა ნაკრებმა რუმინეთი დაამარცხა და მეოთხედფინალში ითამაშებს

საქართველოს წყალბურთელთა ნაკრებმა მსოფლიო ჩემპიონატის საკვალიფიკაციო ეტაპის მერვედფინალში რუმინეთის ნაკრები დაამარცხა, რომელიც შეხვედრის ფავორიტად ითვლებოდა და მეოთხედფინალში გავიდა.

ქართველმა წყალბურთელებმა პირველივე წუთებიდან მოიპოვეს უპირატესობა და ანგარიშში დაწინაურდნენ. მთელი შეხვედრის მანძილზე საქართველოს ნაკრები წინ იყო და საბოლოოდ გაიმარჯვა კიდეც 23:12.

მეოთხედფინალში ქართველები ტურნირის ერთ-ერთ ფავორიტს, უნგრეთის ნაკრებს დაუპირისპირდებიან. მეოთხედფინალური შეხვედრები 10 იანვარს გაიმართება.

4 მეოთხედფინალური წყვილის მატჩების ხვალინდელი განრიგი ასეთია:

16:30 სთ  უნგრეთი – საქართველო

18:00 სთ  საბერძნეთი – იაპონია

19:30 სთ აშშ – მონტენეგრო

21:00 სთ ხორვატია – ესპანეთი

ნუცა ყაველაშვილი