fbpx
ფსიქოლოგიაჰოროსკოპი

ზოდიაქოს ნიშნები, რომელთა წარმომადგენლები ყველაზე გულწრფელები და მართლის მთქმელები არიან

გულწრფელობა, პირდაპირობა და პირში სიმართლის თქმა  – ის თვისებებია, რომლებსაც, პრაქტიკულად, ვეღარც შეხვდები თანამედროვე სამყაროში. ამის სწავლა შეუძლებელია – ან ხარ გულწრფელი, ან არა. ადამიანები, რომლებსაც ეს თვისებები აქვთ, სიმართლეს ყოველთვის ყველაფერზე წინ აყენებენ. ვარსკვლავების თანახმად, ზოდიაქოს ორი ნიშნის წარმომადგენლები სხვებზე გაცილებით მეტად მიდრეკილნი არიან თავიანთი აზრების ღიად დაფიქსირებისკენ და როდესაც რამეს ამბობენ, თითქმის 100%-ით შეგიძლიათ დარწმუნებული იყოთ, რომ გულშიც იმავეს ფიქრობენ.

ვერძის ნიშნის ქვეშ დაბადებულები არ ერიდებიან თავიანთი ემოციების ღიად გამოხატვას. ამ ნიშნის წარმომადგენლები არ აქცევენ ყურადღებას და არ იაზრებენ, რას იტყვიან მათზე გარშემო მყოფები, თავიანთი პირდაპირობით მათ შეუძლიათ სერიოზულად აწყენინონ ადამიანს და ხასიათის ამ თვისების გამო ბევრი მომდურავიც ჰყავთ. მათ არ შეუძლიათ თავიანთი სიტყვების შელამაზება – პირდაპირ მოგახლიან, რასაც ფიქრობენ და დიდად არც გამოთქმებს შეარჩევენ. სამაგიეროდ მათი ნდობა ყოველთვის შეიძლება, ისინი პირში არასდრის გელაქუცებიან და ზურგსუკან სამარეს არ გითხრიან. თუ სათქმელი აქვთ, თქვენვე გეტყვიან პირდაპირ. ეს თვისება კი, მიუხედავად ყველაფრისა, ნამდვილად დასაფასებელია. ვერძის ნიშნის წარმომადგენლები თუ ეცდებიან, რომ სიმართლე უხეშად არ თქვან და ცოტა ტაქტი მოიშველიონ, კარგი იქნება.

ქალწულები, ისევე როგორც ვერძები, თავიანთ აზრს სხვებისაზე მაღლა აყენებენ. ისინი ხელიდან არ გაუშვებენ შესაძლებლობას, რომ საუბარში თავიანთი რეპლიკა ჩაურთონ, ამასთან, სხვების აზრი მათთვის დიდად საინტერესო არ არის. ქალწული არასდროს არაფერს ამბობს ღიად იმისთვის, რომ ვინმეს ჩრდილი მიაყენოს ან თავისი უპირატესობა დაატკიცოს, მას ეს არ სჭირდება, უბრალოდ, მას სჯერა თავისი სიმართლის. ქალწულები კი, მოგეხსენებათ, პერფექციონისტები არიან და არა მარტო საკუთარი თავის, არამედ მთელი სამყაროს სრულყოფისკენ ისწრაფვიან – ეს არის მათი მიზანი მაშინაც, როდესაც ღიად და შეუაფარავად გამოთქვამენ კრიტიკას, ან საუბარში არასწორ გამოთქმას შეგისწორებენ, ან უადგილო ადგილას დაგდებული ქაღალდის თუ ნამწვის გამო მიგითითებენ…

ქალწულს არ შეუძლია თამაში, არ გამოსდის და სურვილიც არ აქვს, ითამაშოს. მისთვის გულწრფელობა და სიმართლე უმაღლესი ღირებულებებია. გულწრფელობის გამო ისინი შეიძლება ზოგჯერ დაზარალდნენ კიდეც, მაგრამ თავიანთ პრინციპებს მაინც არ უღალატებენ.

კაცმა რომ თქვას, ეს თვისება დასაფასებელია, რადგან ნათქვამია: „მოყვარეს პირში უძრახე, მტერს ზურგს უკანაო“.

თამთა გურული

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
Close