დღეს მილანში გარდაიცვალა „ნაპოლის“ მთავარი მწვრთნელის, ცნობილი ფეხბურთელის, ჯენარო (რინო) გატუზოს და – ფრანჩესკა, რომელიც 37 წლის იყო. ამის შესახებ იტალიური მედია წერს.
გარდაცვალების ზუსტი მიზეზის შესახებ ინფორმაცია არ ვრცელდება, მხოლოდ ცნობილია, რომ ჯენარო გატუზოს და 20 თებერვალს მოათავსეს საავადმყოფოში და მას შემდეგ რეანიმაციაში იმყოფდებოდა.
ფრანჩესკა 3 თვეზე მეტხანს ებრძოდა მძიმე სენს, თუმცა საბოლოოდ დამარცხდა. მას მეუღლე და 3 წლის ვაჟიშვილი დარჩა.
საფეხბურთო კლუბი „მილანი“ მწუხარებას გამოთქვამს ფრანჩესკა გატუზოს გარდაცვალების გამო. იგი კლუბში დიდხანს მუშაობდა მდივნად მაშინ, როდესაც მისი ძმა „მილანის“ ფეხბურთელი იყო, შემდეგ კი – მწვრთნელი.
„ფრანჩესკა გატუზო დაავადებას ისეთივე ძალით და ენერგიით შეხვდა, როგორსაც კლუბს და გულშემატკივრებს ჩუქნიდა ყოველდღე. რინო, ვიზიარებთ შენს და შენი ოჯახის უზარმაზარ ტკივილს დანაკარგის გამო. მშვიდად განისვენე, ძვირფასო ფრანჩესკა“, – ნათქვამია „როსონერის“ ტვიტერის პოსტში.
Francesca Gattuso ha affrontato la malattia con la stessa carica e la stessa solarità con cui ha vissuto Milanello e il Milan ogni giorno. Rino, il tuo immenso dolore e quello della tua famiglia è anche il nostro. Riposa in pace cara Francesca. pic.twitter.com/h6CEFrzAUz
— AC Milan (@acmilan) June 2, 2020
კომენტარები