fbpx
მოგზაურობამოდა/სილამაზემსოფლიოსაზოგადოებასაქართველო

ჰოლანდიის ყველაზე რეიტინგული შოუს რამდენიმე ეპიზოდს საქართველოში გადაიღებენ

საქართველოს ტურიზმის ეროვნული ადმინისტრაცია ჰოლანდიის ერთ-ერთ ყველაზე რეიტინგულ რეალითი შოუს გადამღებ ჯგუფს მასპინძლობს. მათი ცნობით, Holland’s Next Top Model-ი მორიგი, მე-12 სეზონის სამ 45-წუთიან ეპიზოდს საქართველოში გადაიღებს. 50-კაციანი გადამღები ჯგუფი საქართველოში ტურიზმის ეროვნული ადმინისტრაციისა და თბილისის მერიის მხარდაჭერით იმყოფება.

პროექტის ფარგლებში, საქართველოს ტურისტულ პოტენციალთან ერთად, მოხდება ქართული მოდის პოპულარიზაცია. საქართველოს შესახებ ექვსგვერდიანი სტატია გამოქვეყნდება ჟურნალ ELLE-ში.

შოუ 12 წელია არსებობს და ბენილუქსის ქვეყნებში უაღრესად დიდი პოპულარობით სარგებლობს. თითოეულ ეპიზოდს 1 მილიონამდე მაყურებელი ჰყავს.

გადაცემის წამყვანია ცნობილი მოდის ექსპერტი და ბლოგერი ანა ნოშინი, კონკურსანტებს შეაფასებს America’s Next Top Model-ის ჟიურის წევრი, მოდელი და ფოტოგრაფი ნაიჯელ ბარკერი.

ტურიზმის ეროვნული ადმინისტრაციის მხარდაჭერით გასულს წელს საქართველოს ჰოლანდიაში ყველაზე რეიტინგული რეალითი შოუს „Wie Is De Mol“ („ვინ არის თხუნელა – ჯაშუში“) გადამღები ჯგუფი ეწვია. გადაღებები საქართველოს სხვადასხვა კუთხეში მიმდინარეობდა.

ჰოლანდიის პოპულარული რეალითი შოუს ეპიზოდების საქართველოში ჩაწერა ხელს შეუწყობს საქართველოს ტურისტული პოტენციალის შესახებ ცნობადობის ამაღლებას ნიდერლანდების ტურისტულ ბაზარზე.

კომენტარები
თეგები
მეტი

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close