იოგას 5 სავარჯიშო კარგი მხედველობის შესანარჩუნებლად

იოგების მტკიცებით, თუ ადამიანი ამ ვარჯიშებს ადრეული ასაკიდან დილა-საღამოს რეგულარულად შეასრულებს, ღრმა სიბერემდე შეინარჩუნებს კარგ მხედველობას და სათვალე არ დასჭირდება.

კომპლექსის შესრულებამდე მოხერხებულ პოზაში დაჯექით სკამზე, შეგიძლიათ ხალიჩაზე მოკალათდეთ ქუსლებზე.

წელში გაიმართეთ, სხეულის და სახის კუნთები მოადუნეთ (იმ კუნთების გარდა, რომლებიც მჯდომარე მდგომარეობას გინარჩუნებენ). მიაპყარით მზერა თქვენ პირდაპირ მდებარე დაშორებულ უბანს, თუ ფანჯარაა, ფანჯარაში გაიხედეთ, თუ არა და, კედელს უმზირეთ. ყურადღება გადაიტანეთ თვალებზე, ზედმეტი დაძაბულობის გარეშე.

ვარჯიში 1. ღრმა და ნელი ჩასუნთქვის პარალელურად მზერა წარბებშუა მიმართეთ, ამ მდგომარეობაში რამდენიმე წამით შეაჩერეთ, შემდეგ კი ნელ ამოსუნთქვასთან ერთად თვალები საწყის მდგომარეობას დაუბრუნეთ და რამდენიმე წამით დახუჭეთ.

დროთა განმავლობაში (არა უადრეს 2-3 კვირისა) პირველ მდგომარეობაში თვალების დაყოვნება თანდათანობით გაზარდეთ (ნახევარი წლის შემდეგ – რამდენიმე წუთამდე). სავარჯიშო 10-ჯერ გაიმეორეთ.

ვარჯიში 2. ღრმად ჩასუნთქვასთან ერთად ცხვირის წვერს შეხედეთ, მზერა ამ პოზიციაში რამდენიმე წამით შეაყოვნეთ და ამოსუნთქვისას თვალები საწყის მდგომარეობას დაუბრუნეთ. თვალები რამდენიმე წამით უნდა დახუჭოთ. სავარჯიშო 10-ჯერ გაიმეორეთ.

https://vimeo.com/68045544

ვარჯიში 3. ჩასუნთქვის პარალელურად თვალები მარჯვნივ მიაბრუნეთ მაქსიმალურად, მაგრამ მეტისმეტი დაძაბვის გარეშე. დაუყოვნებლივ, ამოსუნთქვისას თვალები საწყის მდგომარეობას დაუბრუნეთ. იგივე შეასრულეთ მარცხენა მხარეს. შემდეგ თვალები რამდენიმე წამით დახუჭეთ. თავიდან თითო ციკლი შეასრულეთ, 2-3 კვირის შემდეგ კი 2 ციკლზე გადადით, კიდევ ამდენი ხნის შემდეგ – 3 ციკლზე. სავარჯიშო 10-ჯერ გაიმეორეთ.

ვარჯიში 4. ჩასუნთქვაზე მარჯვენა ზედა კუთხეს (დაახლოებით 45°-ით ვერტიკალიდან) შეხედეთ და ყოველგვარი დაყოვნების გარეშე ამოსუნთქვისას თვალები საწყის პოზიციაში დააბრუნეთ. მომდევნო ჩასუნთქვაზე ქვედა მარცხენა კუთხეს შეხედეთ და ამოსუნთქვისას თვალები კვლავ საწყის პოზიციაში დააბრუნეთ. იმავე პრინციპით ვარჯიში მარცხენა ზედა კუთხიდან გაიმეორეთ. თვალები რამდენიმე წამით დახუჭეთ. თავიდან თითო ციკლი შეასრულეთ, 2-3 კვირის შემდეგ კი სამ-სამ ციკლზე გადადით. სავარჯიშო 3-ჯერ გაიმეორეთ.

ვარჯიში 5. ჩასუნთქვისას თვალები დაბლა დაუშვით და ნელ-ნელა შემოაბრუნეთ საათის ისრის მიმართულებით, ზედა წერტილზე (12 საათის პროექციაზე) რამდენიმე წამით შეაჩერეთ. დაყოვნების გარეშე დაიწყეთ ამოსუნთქვა და განაგრძეთ თვალების შემობრუნება საათის ისრის მიმართულებით ქვემოთ (6 საათის პროექციაზე). ვარჯიში საათის ისრის საწინააღმდეგო მიმართულებითაც უნდა შესრულდეს, რის შემდეგაც თვალები რამდენიმე წამით უნდა დახუჭოთ.

თავიდან ერთი წრის შესრულებაც კი საკმარისია, 2-3 კვირის შემდეგ შეიძლება კურსის გაზრდა სამ წრემდე. კომპლექსი 3-5-წუთიანი პალმინგით უნდა დაასრულოთ (სახელწოდება „პალმინგი“ წარმოდგება ინგლისური სიტყვისგან palm – ხელისგული). თვალების დასვენების ეს მეთოდი მდგომარეობს შემდეგში:

ხელისგულები ერთმანეთს უხახუნეთ, სანამ სითბოს არ იგრძნობთ. შემდეგ ფრთხილად მიიფარეთ ისე, რომ თვალები ხელისგულების ცენტრებით დახუჭოთ. მალე თვალებზე სითბოს იგრძნობთ. მაგრად დახუჭეთ, რომ სრულ სიბნელეში აღმოჩნდეთ. სანამ ხელისგულები გაგრილებას არ დაიწყებს, ხელებს ნუ ჩამოიღებთ.

მოამზადა თამარ ქავჟარაძემ 

წყარო: big5.ru

თუ მოგეწონათ სტატია, მოიწონეთ და გააზიარეთ 

მსგავს თემაზე: „სიბნელეში ჩემი წილი სინათლე ვიპოვნე და ამან გადამარჩინა“ – ერთი უსინათლოს ისტორია

როგორ მივაღწიოთ ემოციების დაბალანსებას და სულიერ წონასწორობას – თითების მასაჟი იაპონურად