მილანში 27 წლის ქართველი ახალაგზრდა ქალი გარდაცვლილი იპოვეს. ფაქტს ადასტურებს იტალიაში საქართველოს საკონსულო. ინფორმაციას პირველი არხი ავრცელებს. როგორც არხს საქართველოს საგარეო საქმეთა სამინისტროში განუცხადეს, ახალგაზრდა ქალის გადმოსვენების საკითხი მას შემდეგ გაირკვევა, რაც იტალიის მხარე ოფიციალურ პროცედურებს დაასრულებს.
გარდაცვლილი 27 წლის იზა ქავთარაძეა. ახალგაზრდა ქალი ვანო სარაჯიშვილის სახელობის თბილისის სახელმწიფო კონსერვატორიის კურსდამთავრებულია.
იზა ქავთარაძე საქართველოში ყოფნის დროს საქართველოს ეროვნული უნივერსიტეტის თეატრალური დასის მსახიობი იყო. მოგვიანებით იგი იტალიაში, მილანში წავიდა სასწავლებლად.
„გარდაიცვალა სეუს თეატრალური დასის პირველი თაობის მსახიობი და მომღერალი იზა ქავთარაძე…. სეუს თეატრალური დასი მწუხარებას გამოთქვამს ჩვენი უმშვენიერესი იზას გარდაცვალების გამო და უსამძიმრებს მის ოჯახს და ახლობლებს“, – წერენ საქართველოს ეროვნული უნივერსიტეტის თეატრალური დასის წევრები სამძიმრის წერილში.
ახალგაზრდა ქალის გარდაცვალების ფაქტს იტალიის პოლიცია იძიებს.
კომენტარები