როგორ გადაიქცა ტოჩინოშინი თმის მოკვეცის ცერემონიის შემდეგ ლევან გორგაძედ (ვიდეო)

ქართველმა სუმოისტმა ტოჩინოშინმა 35 ასაკში პროფესიონალური კარიერა დაასრულა. კარიერის მანძილზე მან „მაკუუჩი“ დივიზიონში 500-ზე მეტი შეხვედრის მოგება შეძლო.

ტოჩინოშინმა, იგივე ლევან გორგაძემ სუმოში სპორტული კარიერა 2006 წელს დაიწყო, 2018 წელს კი იმპერატორის თასი მოიგო. ქართველი სუმოისტი მე-3 ევროპელი სპორტსმენია, რო­მელ­მაც ამ ტიტულის მოპოვება შეძ­ლო და ოძეკის რანგს მიაღწია.

მაშინ ია­პო­ნი­ა­ში სა­ქარ­თვე­ლოს სა­ელ­ჩოს უფ­რო­სი მრჩე­ვე­ლი არ­ჩილ მა­ჭა­ვა­რი­ა­ნი ლე­ვან გორ­გა­ძის გამარჯვების მნიშ­ვნე­ლო­ბა­ზე წერდა:

„სუმო. ეროვ­ნუ­ლი სი­ა­მა­ყეა. ღმერ­თე­ბის ბრძო­ლაა. პირ­ვე­ლი ბრძო­ლა სუ­მო­ში, ლე­გენ­დის მი­ხედვით, ღმერთებს შო­რის შედ­გა, გა­მარ­ჯვე­ბუ­ლი ღმერ­თის შვი­ლე­ბი ია­პო­ნი­ის იმ­პე­რა­ტო­რე­ბი გახ­დნენ და იმი­ტო­მაც ჰქვია თასს იმ­პე­რა­ტო­რის თასი. სუ­მო­ის­ტე­ბიც დღემ­დე რა­ღაც ნა­ხევ­რა­დღმერ­თე­ბად ით­ვლე­ბი­ან აქ. და ეს თასი მო­ი­გო ლე­ვან­მა. ღმერ­თე­ბის ბრძო­ლა­ში გახ­და ჩემ­პი­ო­ნი. ბოლო დღე­ე­ბი სულ ტო­ჩი­ზე წერ­და და ლაპარა­კობ­და აქ ყვე­ლა. სა­ელ­ჩო­ში რე­კავ­დნენ და გვი­ლო­ცავ­დნენ. და დღეს სა­ბო­ლო­ოდ ჩემ­პი­ო­ნია!

ის­ტო­რია და­წე­რა ამ ბიჭ­მა. ჩათ­ვა­ლეთ, რომ დღე­ი­დან მთელ­მა ია­პო­ნი­ამ იცის სა­ქარ­თვე­ლო, აბ­სო­ლუ­ტუ­რად ყვე­ლა ია­პო­ნელ­მა და და­ინ­ტე­რე­სე­ბუ­ლე­ბი არი­ან ჩვე­ნით. დიდი, სას­წა­უ­ლი, სა­ო­ცა­რი საქ­მე გა­ა­კე­თა ჩვენ­მა ბიჭ­მა… დიდი, დიდი ამ­ბა­ვია ძა­ლი­ან. ეს არის ის­ტო­რია მებ­რძოლ სულ­ზე,რო­მე­ლიც არ ნებ­დე­ბა. მად­ლო­ბა ლე­ვანს. სა­ოც­რად მა­გარ, ალალ, ჯიგ­რი­ან ბიჭს და ნამდ­ვილ მე­ო­მარს!“

თავდაპირველად  ტოჩინოშინის დიდი სუმოდან წასვლის შესახებ ინფორმაცია Facebook-გვერდმა „სუმოს ქომაგებმა“ გაავრცელა. ლევან გორგაძემ კარიერის დასრულების შესახებ 2023 წლის მაისში გამოაცხადა.