ხვიჩა კვარაცხელია მეორე ქართველია, რომელმაც „სკუდეტო“ მოიპოვა

19-წლიანი პაუზის შემდეგ ხვიჩა კვარაცხელია მეორე ქართველი ფეხბურთელია, რომელიც იტალიის ჩემპიონი გახდა.

პირველი ქართველი, რომელმაც სკუდეტო მოიგო, კახა კალაძე იყო – საქართველოს ნაკრების ყოფილი კაპიტანი „მილანში“ 2001-2010 წლებში გამოდიოდა.

ამ პერიოდში კალაძემ იტალიასა და საერთაშორისო საკლუბო დონეზე ბევრი ტიტული მოიპოვა, მაგრამ იტალიის ჩემპიონი „მილანში“ მხოლოდ ერთხელ, 2004 წელს გახდა.

19 წლის შემდეგ ხვიჩა კვარაცხელია მეორე ქართველი ფეხბურთელია, რომელმაც იტალიური ფეხბურთის უმაღლესი ტიტული მოიპოვა.

1tv.ge