ჰოროსკოპი – რას გვპირდებიან ვარსკვლავები ამ კვირაში, 10-16 ნოემბერი 2025
ამ კვირაში ცაზე ორი მნიშვნელოვანი პლანეტარული ასპექტი ყალიბდება. იუპიტერსა და სატურნს შორის ზუსტი ტრინი თითქმის მთელი კვირის განმავლობაში შენარჩუნდება და ეს საკმაოდ იშვიათი ასპექტია, რომელიც 20 წლის განმავლობაში ორჯერ მეორდება და უფრო დეტალურ ინტერპრეტაციას მოითხოვს. იუპიტერი ხელს უწყობს გაფართოებას, ხოლო სატურნი, პირიქით, ხელს უწყობს შეკუმშვას და კონცენტრაციას. ერთად, ეს ორი პლანეტა უზრუნველყოფს პროგრესულ განვითარებას.
ამ კვირაში ისინი ჰარმონიულ ასპექტში არიან, ერთმანეთს უჭერენ მხარს და ავსებენ, რაც უზრუნველყოფს დაბალანსებულ განვითარებას. ეს ასპექტი ხელს უწყობს მასშტაბურ წამოწყებებს საზოგადოებრივ ცხოვრებაში, ბიზნესში და ნებისმიერი შეთანხმების დადებისას. ეს ასპექტი ასევე მნიშვნელოვანია პირადი თვალსაზრისით, თუმცა ნაკლებად შესამჩნევია, ვიდრე საზოგადოებრივ დონეზე. ამ კვირაში დაწყებულმა ბიზნესებმა და პროექტებმა შეიძლება გრძელვადიანი წარმატება მოგიტანოთ.
მერკური-მარსის შეერთება 12-13 ნოემბერს – ეს ასპექტი აძლიერებს ინტელექტს. შესაძლოა გაუმჯობესდეს ინტელექტუალური აქტივობა, სწავლის უნარი და მეხსიერება. განსაკუთრებით წარმატებულია ზუსტი მეცნიერებების შესწავლა. ინტენსიურია საქმიანი და სოციალური კონტაქტები, მოგზაურობა და მოსაზრებების ცოცხალი გაცვლა. დოკუმენტების დამუშავება ახალ იმპულსს იძენს. ეს ასპექტი ხელს უწყობს საქმიანი აქტივობის დაჩქარებას.
ეს შეიძლება იყოს კვირა, როდესაც მოულოდნელად გააცნობიერებთ, რომ დიდი ხანია სხვისი ემოციური სცენარების მიხედვით ცხოვრობთ. ან როდესაც თქვენი მშობლების, ბებია-ბაბუების და ბავშვობის სახლის მოგონებები ამოტივტივდება. გაჩნდება სტუმრობის ძლიერი სურვილი, რაც ძალიან სასარგებლო და მნიშვნელოვანია, რადგან ეს ხელს უწყობს ოჯახთან კავშირის განმტკიცებას და მხარდაჭერის მოპოვებას.
Nostal.ge გიამბობთ ზოდიაქოს თითოეული ნიშნის სტაბილურ და არასტაბილურ პერიოდებზე და საინტერესო ასტროლოგიურ რჩევებსაც შემოგთავაზებთ – გამოგვყევით!
ვერძი
ამ კვირაში თქვენი საქმიანობის შედეგებით იმედგაცრუება თავიდან რომ აიცილოთ, ნუ ეცდებით დინების საწინააღმდეგოდ ცურვას და ყველასთან კამათს. თუ გსურთ გამოირჩეოდეთ, იყავით ორიგინალური, მაგრამ სიფრთხილე გამოიჩინეთ, რომ შოკში არ ჩააგდოთ ირგვლივ მყოფი საზოგადოება. ამ კვირაში მთავარია, არ იჩქაროთ – მნიშვნელოვანია მიმართულების არჩევა. სამყარო არ გეჯიბრებათ, ის მხოლოდ გაჩვენებთ, სად ხარჯავთ ენერგიას. საუკეთესო მიდგომაა – მეტი იმუშაოთ და ნაკლები ილაპარაკოთ. კვირის შუა რიცხვებისთვის გამოჩნდება შესაძლებლობა, რომელზეც დიდი ხანია ოცნებობდით.
შაბათ-კვირას შეეცადეთ დრო მშვიდ გარემოში, საყვარელ ხალხთან ერთად გაატაროთ.
სასიკეთო დღეები: 13, 14.
არასასიკეთო დღე: 11.
კურო
ამ კვირაში შესაძლოა მოულოდნელად გამოგიჩნდეთ ბრწყინვალე ახალი შესაძლებლობები. შეიძლება კარიერის შეცვლის შესაძლებლობა მოგეცეთ, მაგრამ ნაჩქარევ გადაწყვეტილებას ნუ მიიღებთ, მოერიდეთ არასაჭირო და უსიამოვნო შეხვედრებს. ეს კვირა ხელსაყრელია თქვენი საქმეების, საბუთებისა და ფინანსების მოწესრიგებისთვის. ყველაფერი, რაც გაურკვეველი იყო, გარკვევას დაიწყებს. ეცადეთ, უარი არ უთხრათ მეგობრებს დახმარებასა და მხარდაჭერაზე, თუ შესაძლებლობა გაქვთ.
შაბათ-კვირას სავარაუდოა სასიამოვნო დასვენება მცირე ჯგუფთან ერთად. ისარგებლეთ შესაძლებლობით ახალი და საინტერესო ნაცნობების შესაძენად.
სასიკეთო დღეები: 11, 15.
არასასიკეთო დღე: 10.
ტყუპი
ამ კვირის დასაწყისში შესაძლებელია თქვენი გეგმების, ასევე, გრძნობებისა და განწყობის შეცვლა, თუმცა მალე ყველანაირ პრობლემას ნამდვილად ჯადოსნური სიმარტივითა და ძალით მოაგვარებთ. ეს კვირა განსაკუთრებით ხელსაყრელია შემოქმედებითი საქმიანობისთვის, რომელიც მოითხოვს მარტოობას და თვითრეკლამირებას. ენერგიის მოზღვავებას იგრძნობთ. თქვენი გამჭრიახობის ამაღლება ხელს შეუწყობს წარმატებას ბიზნესში ან პროფესიულ საქმიანობაში. პარასკევისთვის შესაძლებელია საინტერესო ნაცნობობა ან მოულოდნელი წინადადება. მოუსმინეთ მას: ეს შეიძლება დიდი ცვლილების დასაწყისი იყოს.
შაბათ-კვირას სასურველია, ზედმეტად არ ინერვიულოთ და ტყუილად არავის არაფერს დაჰპირდეთ. უმჯობესია, გულწრფელად და დელიკატურად თქვათ უარი.
სასიკეთო დღეები: 10, 14
არასასიკეთო დღე: 12.
კირჩხიბი
ეს კვირა წარმატებულ მცირე მოგზაურობებთან ასოცირდება, ხელსაყრელი დღეებია ორშაბათი და კვირა. თუმცა სასურველია გამოიჩინოთ წინდახედულობა და სიფრთხილე, ასევე, დრო დაუთმოთ ძველი საქმეების დასრულებას. სამსახურში ნუ აცნობებთ კოლეგებს თქვენი წარმატებების შესახებ. შესაძლებელია სტრესული სიტუაციები, ამიტომ ეცადეთ, ემოციები აკონტროლოთ. კვირის ბოლოსთვის თქვენი შესაძლებლობები და პროფესიონალიზმი მოთხოვნადი გახდება. ახლა ვარსკვლავები მოქმედებისკენ მოგიწოდებენ.
შაბათ-კვირა ხელსაყრელია ოჯახური პრობლემების გადასაჭრელად და სახლში მყუდრო, კომფორტული ატმოსფეროს შესაქმნელად.
სასიკეთო დღეები: 13, 16.
არასასიკეთო დღე: 12.
ლომი
ამ კვირაში გექნებათ შანსი, მიაღწიოთ მნიშვნელოვან პროგრესს. უბრალოდ, სწორი მიმართულება უნდა აირჩიოთ, რათა თავიდან აიცილოთ პრობლემები. შეეცადეთ, ნებისმიერი მოულოდნელი სირთულის დასაძლევად გონიერება გამოიჩინოთ და მოთმინებით აღიჭურვოთ. ოთხშაბათს შეძლებთ პროდუქტიულად იმუშაოთ მნიშვნელოვანი დავალების შესრულებაზე და წარმატებით განახორციელოთ თქვენი გეგმა. პარასკევს აკონტროლეთ თქვენი ხასიათი, წინააღმდეგ შემთხვევაში, ეს შეიძლება საყვარელი ადამიანების უნებლიე განაწყენებით დასრულდეს.
არ დაგავიწყდეთ დაგროვილი საოჯახო საქმეები, ეცადეთ, ყველაფერი მოაგვაროთ.
სასიკეთო დღეები: 12, 13.
არასასიკეთო დღე: 11.
ქალწული
ამ კვირაში გადამწყვეტი მოქმედებაა საჭირო, მაგრამ თქვენ ჯერ კიდევ გიჭირთ ყველაფრის გარკვევა. ეცადეთ, პრიორიტეტები განსაზღვროთ. შეამცირეთ რუტინული სამუშაო და მეტი ყურადღება გაამახვილეთ შემოქმედებით სამუშაოზე; იმპროვიზაცია შეიძლება გაცილებით სასარგებლო იყოს, ვიდრე ზუსტი გამოთვლები. ფრთხილად იყავით კოლეგებთან კომუნიკაციისას და ყურადღებით შეამოწმეთ შემომავალი საქმიანი ინფორმაცია – შესაძლებელია უზუსტობები და დამახინჯებები. ხუთშაბათს შეგიძლიათ მეგობრების მხარდაჭერის იმედი გქონდეთ. კვირის ბოლოს საყვარელი ადამიანების ცხოვრებაში მომხდარი მოვლენებით კმაყოფილი დარჩებით.
უმჯობესია, შაბათ-კვირა ოჯახთან ერთად გაატაროთ.
სასიკეთო დღეები: 13, 15
არასასიკეთო დღე: 11.
სასწორი
ამ კვირაში კონცენტრირდით პრობლემების გადაჭრაზე. სასურველია, თავი აარიდოთ თვითანალიზს, რათა თავიდან აიცილოთ შედეგით იმედგაცრუება. თუ ახალ პროექტზე ან სამსახურზე ფიქრობდით, ახლა მოქმედების დროა. იყავით ფრთხილი და ყურადღებიანი, აჩქარება მხოლოდ სამუშაო დატვირთვას გაზრდის. მაქსიმალური წარმატების მისაღწევად, დაგჭირდებათ ფოკუსირება და თავდაჯერებულობა. ეცადეთ, თავი აარიდოთ ღია დაპირისპირებას. ტკბილი სიტყვით და კეთილგანწყობით მეტს მიაღწევთ, ვიდრე კამათით. თქვენს ცხოვრებაში ახალი რომანია მოსალოდნელი.
შაბათ-კვირას არაფორმალური შეხვედრები საშუალებას მოგცემთ განავითაროთ ახალი სასარგებლო კავშირები.
სასიკეთო დღეები: 12, 16.
არასასიკეთო დღე: 13.
მორიელი
ამ კვირაში გარკვეული გამოწვევები შესაძლებელია, მაგრამ უკან არ უნდა დაიხიოთ. და მაშინ წარმატება, უბრალოდ, გარდაუვალია. ახლა უმჯობესია დაეყრდნოთ დადასტურებულ მეთოდებს და არატრადიციული მიდგომები მხოლოდ დანამატის სახით გამოიყენოთ. სამსახურში წარმატება და დაწინაურება გელოდებათ. გუნდში თქვენი ავტორიტეტი ამ კვირაში ურყევი იქნება. ეს კვირა ხელსაყრელია ახლის დასაწყისისთვის – განსაკუთრებით კარიერაში, შემოქმედებით საქმესა და სულიერ ძიებებში.
კვირას სახლში ნუ დარჩებით, გაიმდიდრეთ თავი ახალი გამოცდილებით.
სასიკეთო დღეები: 11, 14.
არასასიკეთო დღე: 15.
მშვილდოსანი
ამ კვირაში განსაკუთრებით მნიშვნელოვანია წინდახედულებისა და შეუპოვრობის გამოვლენა თქვენი მიზნების მისაღწევად. თავი უნდა აარიდოთ დაუფიქრებელ ან უაზრო საქციელს. ეცადეთ, იყოთ უკიდურესად თავაზიანი ირგვლივ მყოფების მიმართ, თუმცა ნუ იქნებით ზედმეტად გულახდილი ვინმესთან, ახლობელთან თუ შორეულთან. საკუთარი პრობლემების დამოუკიდებლად მოგვარებას შეძლებთ. ახლა უფრო გამჭრიახი ხართ, ვიდრე ოდესმე, გამოიყენეთ ეს მდგომარეობა თქვენს ცხოვრებაში მრავალი საიდუმლოს გასარკვევად.
ნუ ეცდებით შაბათ-კვირას ერთდროულად ათასი საქმის მოგვარებას, უმჯობესია აირჩიოთ ერთი და მთელი თქვენი ყურადღება და ძალისხმევა მასზე მიმართოთ.
სასიკეთო დღეები: 10, 12.
არასასიკეთო დღე: 14.
თხის რქა
ამ კვირაში შესაძლოა უამრავი პრობლემის წინაშე აღმოჩნდეთ, რაც გადაღლილობის შეგრძნებას შეგიქმნით. ნუ იჩქარებთ სამსახურის შეცვლას იმ იმედით, რომ უფრო მეტი შემოსავალი გექნებათ. თუ ფხიზლად იქნებით, კრიზისის გადაჭრის სხვადასხვა ვარიანტს დაინახავთ. კვირის ბოლომდე ბევრი საკამათო საკითხი შეიძლება დადებითად გადაწყდეს. საჭიროების შემთხვევაში, შეგიძლიათ თამამად დაეყრდნოთ მეგობრების დახმარებასა და მხარდაჭერას. განსაკუთრებით ფრთხილად იყავით მაცდურ შემოთავაზებებთან – ყველაფერი ისეთი მარტივი და ნათელი არ არის, როგორც ერთი შეხედვით შეიძლება ჩანდეს.
შაბათ-კვირას თქვენი რისკიანი და იმპულსური გადაწყვეტილებების მიღება ახლობლების გაღიზიანებას გამოიწვევს.
სასიკეთო დღეები: 11, 15.
არასასიკეთო დღე: 13.
მერწყული
ამ კვირაში პირადი ცხოვრებისთვის დრო უნდა გამონახოთ. ყოველმა ახალმა პაემანმა შეიძლება თქვენი ცხოვრება შეცვალოს. კვირის მეორე ნახევარი ხელსაყრელია კარიერისტებისთვის, ასევე, მოგზაურობისა და საქმიანი ვიზიტებისთვის. რაც მთავარია, მოერიდეთ კონფლიქტებს უფროსთან. შესაძლოა გქონდეთ შესაძლებლობა, მიაღწიოთ უფრო გავლენიან პოზიციას და გააძლიეროთ თქვენი მიღწევები. ეცადეთ, ძალიან არ იეჭვიანოთ.
შაბათ-კვირას შეიძლება დაუპატიჟებელ სტუმრებს უმასპინძლოთ და კარგი დრო გაატაროთ.
სასიკეთო დღეები: 14, 16.
არასასიკეთო დღე: 12.
თევზები
თქვენი სამუშაოსადმი ერთგულება საქებარია, თუმცა ეცადეთ, არ გადაიტვირთოთ. ამ კვირაში თქვენი პროფესიული საქმიანობა საკმაოდ კარგად მიმდინარეობს, განსაკუთრებით საბუთებთან დაკავშირებით. ახალი პროექტების დაგეგმვისას არ დაივიწყოთ ძველი, გადაუჭრელი საკითხები. ობიექტურად შეაფასეთ თქვენი შესაძლებლობები და წარმატებით გაუმკლავდებით გამოწვევებს. ოთხშაბათს აქტიურობა და ინტუიცია დაგეხმარებათ მაღალი შედეგების მიღწევაში. საკუთარი შესაძლებლობების გადაჭარბებულმა შეფასებამ შეიძლება თქვენი პროფესიული რეპუტაცია დააზიანოს.
შეეცადეთ, შაბათ-კვირა მეგობრებთან ერთად გაატაროთ და კარგად დაისვენოთ.
სასიკეთო დღეები: 12, 14.
არასასიკეთო დღე: 13.
თამთა გურული
კომენტარები