ავიაკომპანია „რაინეარი“ „დესტრუქციული მგზავრებისთვის“ ჯარიმას აწესებს

„რაინეარს“ სურს, ზოგიერთი თავისი კლიენტის „მიუღებელ ქცევას“ წერტილი დაუსვას. დაბალბიუჯეტიანმა ირლანდიურმა ავიაკომპანიამ 12 ივნისს გამოაცხადა, რომ „დესტრუქციული მგზავრებისთვის“ მინიმუმ 500 ფუნტი სტერლინგის, ანუ 587 ევროს ოდენობის ჯარიმას დააწესებს. „რაინეარის“ განმარტებით, ამით ავიაკომპანია აპირებს, „თავისი მგზავრებისა და ეკიპაჟის ინტერესები მოძალადე მგზავრების უმართავი ქცევასთან დაიცვას“.

„მგზავრები ჩვენგან მოელიან კომფორტულ და მშვიდ გარემოში მგზავრობას, მათ სურთ დროულად ჩასვლა და რაიმე ზედმეტი შეფერხების თავიდან არიდება, რომელიც მცირე რაოდენობის მოძალადე მგზავრების მხრიდან შეიძლება მოდიოდეს“, – აცხადებს ავიაკომპანია. ჯარიმა „დაეკისრება ნებისმიერ მგზავრს, რომელსაც თვითმფრინავიდან არასაკადრისი ქცევის გამო გადმოსვამენ“.

„ნულოვანი ტოლერანტობა“

გასული წლის მაისში „რიანეარმა“ „ბორტზე არასათანადო ქცევის მიმართ ნულოვანი ტოლერანტობის შესახებ“ გააკეთა განცხადება, რისი მიზეზიც გლაზგოდან კრაკოვში 2024 წლის 30 ივნისს განხორციელებული ფრენის დროს მომხდარი ინციდენტი გახდა. აღნიშნული რეისი ჟეშუვში გადამისამართდა, რათა „მიუღებელი ქცევით გამორჩეული პირი“ ჩამოესვათ, თუმცა ამ საქმეზე დამატებითი განმარტებები არ გაკეთებულა. „მიუღებელი ქცევით გამორჩეულ“ მგზავრს კრაკოვის სასამართლომ 3230 ევროს ოდენობის ჯარიმა დააკისრა.

სააგენტო „ფრანს პრესის“ ცნობით, ცოტა ხნის წინ კომპანიამ ირლანდიის სასამართლოში სარჩელი დუბლინი-ლანსაროტეს რეისის მგზავრის წინააღმდეგაც შეიტანა, რომლის აგრესიული ქცევის გამო აღნიშნული რეისის შემსრულებელი ბორტი 2024 წლის აპრილში პორტუში გადამისამართდა. ეს პირი თვითმფრინავიდან გადმოსვლისთანავე დააკავეს. კომპანია მისგან 15000 ევროზე მეტს ითხოვს.

franceinfo.fr